मराठमोळ्या अभिनेत्याने घेतलं तिसरं घर, गणेशपूजाही केली, चिमुकल्या लेकीने बनवली इवलीशी चूल, पत्नीने शेअर केला व्हिडिओ

या नवीन वर्षाला म्हणजे गुढी पाडव्याला अनेक मराठी कलाकारांनी नवीन घर घेतल्याची गुड न्यूज चाहत्यांसोबत शेअर केली. काहींनी या घरांमध्ये गृह्प्रवेशही केला. तर काहींनी सेकंड होमची तजवीज केली. त्यात आता आणखी एका अभिनेत्याचं नाव या यादीत जोडलं गेलंय. हा अभिनेता आहे मराठमोळा हरहुन्नरी कलाकार अंशुमन विचारे. ‘महाराष्ट्राची हास्यजत्रा’, ‘कॉमेडीची बुलेट ट्रेन’ या कार्यक्रमांमधून अंशुमन घराघरात पोहोचला. तो सोशल मीडियाच्या माध्यमातून चाहत्यांच्या संपर्कात असतो. आता अंशुमनने तिसऱ्या घरात शिफ्ट झाल्याची गुड न्यूज दिलीये.