ज्येष्ठ अभिनेते नाना पाटेकर नेहमीच आपल्या स्पष्टवक्तेपणामुळे चर्चेत असतात. तसंच त्यांच्या अभिनयाचे लाखो चाहते आहेत. नुकतेच एका कार्यक्रमात नानांनी केंद्रीय मंत्री नितीन गडकरी यांची एक खास आठवण शेअर केली, जी सध्या चर्चेचा विषय बनली आहे. .नाना पाटेकर यांनी एका कार्यक्रमात अनेक गोष्टी शेअर केल्या. यावेळी त्यांनी गडकरींची आठवण काढली. तसंच गडकरींच्या कोटचा किस्सा चाहत्यांसोबत शेअर केला. नाना पाटेकर आणि नितीन गडकरी यांच्यातील मैत्रीची आठवण त्यांनी यावेळी दिली..नाना पाटेकर म्हणाले, 'नागपूरला गेलो होतो. नागपूरची थंडी म्हणजे जरा जबरदस्तच असते. जसं काश्मीरला गेल्यावर हुडहुडी भरते, तसंच नागपूरलाही थंडी वाजली. तेव्हा नितीन गडकरींनी त्यांच्या अंगावरचा कोट काढून मला दिला. मी तो कोट घातला आणि परत दिलाच नाही. आजही तो कोट माझ्याकडेच आहे.'.या किस्स्यावर सभागृहात हास्यकल्लोळ उसळला. नानांच्या या आठवणीमधून नितीन गडकरींच्या दिलदार स्वभावाची एक झलक पाहायला मिळते. नाना पाटेकर आणि नितीन गडकरी यांच्यातील मैत्रीचे हे किस्से त्यांच्या चाहत्यांमध्ये चर्चेचा विषय ठरत आहेत.. तसंच या कार्यक्रमात नाना पाटेकर यांनी अनेक आठवणी शेअर केल्या. यावेळी त्यांनी महिला सुरक्षेबाबतचा प्रश्नही उपस्थित केला. पुरुषांनी आपलं जबाबदारी लक्षात घेऊन महिलांना होणाऱ्या त्रासाला विरोध केला पाहिजे असं नाना पाटेकर म्हणालेत. .Nana Patekar : 'पुरुष आहात न मग एक कानशिलात मारा', नाना पाटेकर स्पष्टच बोलले... 'जर आपल्या बहिणींना कोणी त्रास देत असेल तर...'.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
