लोकप्रिय मालिका प्रेक्षकांचा घेणार निरोप, मराठमोळ्या अभिनेत्रीचं होणार नुकसान, नक्की कारण काय?

BHABHIJI GHAR PAR HAI 2.0 TO GO OFF-AIR: छोट्या पडद्यावरील सर्वांची लाडकी मालिका 'भाभीजी घर पर है 2.0' चा काही महिन्यापूर्वी प्रीमिअर झाला. या मालिकेत अंगुरी भाभीची भूमिका मराठमोळी अभिनेत्री शिल्पा शिंदे साकारत होती. परंतु आता शिल्पाच्या कमबॅकच्या अवघ्या दोन महिन्यातच मालिका बंद होण्याच्या मार्गावर आहे. माहितीनुसार, 'भाभीजी घर पर है 2.0' ही प्रेक्षकांचा निरोप घेणार आहे. अँड टिव्हीमध्ये मोठा बदल होणार असल्यामुळे हा निर्णय घेण्यात आल्याची माहिती आहे. माहितीनुसार ५ एप्रिल रोजी शेवटच्या एपिसोडचं शुटिंग होणार असून नवीन कंटेट बंद करण्याचा वाहिनीचा विचार असल्यानं मालिका बंद करण्याचा निर्णय घेण्यात आलाय.