Kalki 2898 Box Office: नुसता धुरळा! तिसऱ्या दिवशी प्रभासच्या 'कल्की'ची पहिल्या दिवसापेक्षाही जास्त कमाई, वाचा एकूण कलेक्शन

६०० कोटींच्या मेगाबजेट मध्ये बनलेला चित्रपट 'कल्की २८९८ एडी' ने प्रेक्षकांना भुरळ घातली आहे. या चित्रपटाला नेटकऱ्यांची पसंती मिळते आहे. हा चित्रपट हिंदी, तामिल, तेलुगू, कन्नड़ व मल्याळम या भाषांमध्ये प्रदर्शित करण्यात आला. नाग अश्विन यांचा 'कल्की' आता बॉक्स ऑफिसवर कमाल करताना दिसतोय. प्रभास, दीपिका पादुकोण, कमल हासन और दिशा पाटनी यांच्या भूमिका असलेला हा चित्रपट चित्रपटगृहात प्रेक्षकांना खेचून आणण्यात यशस्वी ठरला आहे. पहिल्या दिवशी या चित्रपटाची छप्परफ़ाड कमाई झाली होती. आता तिसऱ्या दिवशीही या चित्रपटाने कमाल केली आहे.

तिसऱ्या दिवशीची कमाई

'कल्की २८९८ एडी'या चित्रपटाने बॉक्स ऑफिसवर चांगली कमाई केली आहे. पहिल्या दिवशी या चित्रपटाने ऍडव्हान्स बुकींच्या जोरावर ५० कोटींहून अधिकची कमाई केली होती. दुसऱ्या दिवशी चित्रपटाच्या कमाईचा वेग कमी झाला मात्र तिसऱ्या दिवशी पुन्हा एकदा चित्रपटाच्या कमाईत वाढ झाली आहे. पहिल्या दिवशी या चित्रपटाने सगळ्या भाषांमध्ये मिळून ९५ कोटींची कमाई केली होती. तर हिंदी भाषेत ही कमाई २२ कोटींची होती. दुसऱ्या दिवशी हा आकडा कमी होऊन ५७ कोटींवर आला होता. मात्र तिसऱ्या दिवशी या चित्रपटाने ६७ कोटींची कमाई केली आहे. त्यातील २७ कोटी ही हिंदी भाषेतील कमाई आहे.

याचाच अर्थ बॉलिवूडचे प्रेक्षक या चित्रपटाला उत्तम प्रतिसाद देत आहेत. चित्रपटाने पहिल्या दिवसापेक्षा तिसऱ्या दिवशी हिंदी भाषेत जास्त कमाई केली आहे. या चित्रपटाने आतापर्यंत एकूण २२० कोटीची कमाई केली आहे. त्यातील सर्वाधिक कमाई तेलगू भाषेत झाली आहे.