Video : "ही आहे सो क्युट" सातारच्या जिनिलियाने केली रितेशची बोलती बंद ; व्हिडीओ होतोय व्हायरल

Marathi Entertainment News : झी चित्र गौरव पुरस्कार 2025 पुरस्कार सोहळा नुकताच पार पडला आणि त्याच प्रसारण लवकरच टेलिव्हिजनवर होणार आहे. या सोहळ्यातील काही प्रोमो सध्या सोशल मीडियावर चर्चेत आहेत. त्यातीलच एक रितेशचा व्हिडीओ व्हायरल झालाय. .झी चित्र गौरव पुरस्कार 2025 च्या मंचावर रितेश येताच सातारच्या जिनिलियाची एंट्री झाली. या जिनिलियाला बघून रितेशही चकित झाला. अनंत अंबानी आणि राधिका मर्चंट यांच्या लग्नात जिनिलियाने मराठी लूकमध्ये हजेरी लावली होती. अगदी तसाच लूक करत ही सातारची जिनिलिया म्हणजेच बालकलाकार वेदांती भोसले मंचावर आली. तिचा उखाणा आणि रितेशबरोबरची मस्ती व्हायरल झाली आहे. .मराठी मनोरंजन विश्व या चॅनेलने रितेश आणि सातारच्या जिनिलियाचा व्हिडीओ शेअर केलाय. या व्हिडिओमध्ये पाहायला मिळतं कि, सातारची जिनिलिया रितेशला विचारते कि,"तुम्ही मोठी जिनिलीया मिळाली, म्हणून या छोट्या जिनिलीयाला विसरलात का?" त्यावर तिला अमेयने प्रश्न केला कि,"तुम्ही पण जिनिलीया देशमुख आहात?" त्यावर तिने चटकन उत्तर दिलं कि,"होय. मी सातारची जिनिलीया. तुम्ही या सातारला. मस्त रानात मटणाची पार्टी करू." तेव्हा रितेशने तो मटण खात नाही असं सांगितलं त्यावर छोटी जिनिलिया म्हणाली कि "तुमच्यासाठी पिझ्झाची पार्टी आणि उसाचा रस." यावर अमेयने पटकन तिची मस्करी करत म्हटलं कि,"जिनिलियाजी हे सगळं तुम्हीच ठरवलं." त्यावर छोट्या जिनिलियाने उत्तर दिलं कि,"जिनिलिया कुठलीही असो, सगळं तीच ठरवते. हो ना रितेश सर ?" हे ऐकताच सगळेजण हसू लागतात. .त्यानंतर त्या दोघांनी उखाणाही घेतला. रितेशने उखाणा घेतला कि,"त्या जिनिलीया समोर असतो मी नेहमी म्युट. पण ही जिनिलीया पाहून वाटतं सो क्यूट" तर छोट्या जिनिलियाने उखाणा घेतला "सगळे म्हणतात ही लय आगाऊ आहे कार्टी, रितेश रावाचं नाव घेते, चला रानात करू पिझ्झा पार्टी".या दोघांनी पांडू सिनेमातील बुरूम बुरुम गाण्यावर डान्सही केला. हा सोहळा 8 मार्चला संध्याकाळी 7 वाजता प्रसारित होणार आहे. .फिल्मी आहे 'या' मराठमोळ्या राजकुमारीची लव्हस्टोरी ; घरच्यांच्या विरोधात जाऊन मोडलं ठरलेलं लग्न.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.