बॉलीवूडचा भाईजान सलमान खान याचा मोठा चाहतावर्ग आहे. त्याच्या अभिनयाचे लाखो चाहते आहेत. दरम्यान आता सलमान केवळ अभिनयपुरता मर्यादित राहिलेला नाही. 'किंग खान' शाहरुखप्रमाणेच सलमान खानदेखील एका स्पोर्ट्स टीमचा मालक झाला आहे. मात्र फरक इतकाच की, शाहरुख जिथे क्रिकेटच्या आयपीएल लीगमध्ये कोलकाता नाइट रायडर्सचा मालक आहे, तिथे सलमान खानने इंडियन स्ट्रीट प्रीमियर लीग या टेनिस क्रिकेट लीगमधील 'नवी दिल्ली फ्रेंचायझी' संघ खरेदी केलाय.