Police Constable Death: सलमान खानच्या घराबाहेर ड्युटीवर असतानाच प्रकृती बिघडली, पोलिसाचा मृत्यू

लासलगाव : अभिनेता सलमान खान याच्या मुंबईतील निवासस्थानाबाहेर सुरक्षेसाठी कर्तव्य बजावत असलेल्या मुंबई पोलीस दलातील शिपाई गणेश विठ्ठल रायते (वय ४१, रा. खडक माळेगाव, ता. निफाड) यांचे निधन झाले. कर्तव्यावर असताना अचानक प्रकृती बिघडल्याने त्यांना तातडीने रुग्णालयात दाखल करण्यात आले. मात्र, उपचार सुरू असतानाच डॉक्टरांनी त्यांना मृत घोषित केले.