Sunidhi Chauhan: गायिका सुनिधी चौहान (Sunidhi Chauhan) ही तिच्या गाण्यांनी प्रेक्षकांचे मनोरंजन करत असते. सुनिधीचे चाहते केवळ भारतातच नाही तर परदेशात देखील आहे. सुनिधीच्या कॉन्सर्टचे आयोजन विविध शहरात केले जाते. काही दिवसांपूर्वी सुनिधी चौहानच्या कॉन्सर्टचे आयोजन डेहराडूनमधील कॉलेजमध्ये करण्यात आले होते. अशातच सुनिधीच्या या कॉन्सर्टमधील परफॉर्मन्सचा एक व्हिडीओ सोशल मीडियावर व्हायरल झाला आहे, ज्यामध्ये दिसत आहे की, एका प्रेक्षकाने तिच्यावर बाटली फेकली.
सोशल मीडियावर सुनिधीचा एक व्हिडीओ व्हायरल झाला आहे. या व्हिडीओमध्ये दिसत आहे की, सुनिधी ही स्टेजवर परफॉर्म करत आहे. यादरम्यान प्रेक्षकांमधील एक व्यक्ती सुनिधीला बॉटल फेकून मारतो. तरीही सुनिधी तिचं गाणं थांबवत नाही. ती गात राहते आणि गाण्याच्या काही ओळी गायल्यानंतर ती बॉटल फेकून मारणाऱ्याला सडेतोड उत्तर देते.
"हे काय होत आहे? बाटली फेकल्यानं काय होईल? शो थांबेल, तुम्हाला शो थांबवायचा आहे का?", असं सुनिधी बॉटल फेकणाऱ्या प्रेक्षकाला म्हणाली.
सुनिधीचा कॉन्सर्टमधील व्हिडीओ व्हायरल होताच नेटकऱ्यांनी सुनिधीचं कौतुक करण्यास सुरुवात केली. ही घटना अगदी सहजपणे हाताळल्याने सुनिधीचं नेटकऱ्यांनी कौतुक केल आहे. तसेच काही नेटकरी बॉटल फेकून मारणाऱ्या व्यक्तीवर भडकले.
सुनिधीनं तिच्या कॉन्सर्टमधील फोटो सोशल मीडियावर शेअर केले आहे. या फोटोला सुनिधीनं कॅप्शन दिलं, "तुम्ही माझ्या पार्टीला आला आहात का??? माझी पार्टी अशी दिसते."
सुनिधीनं अनेक हिट चित्रपटांमधील गाणी गायली आहेत. मराठी, तमिळ, कन्नड, तेलुगू, बंगाली, गुजराती आणि आसामी भाषेतील गाणी सुनिधीनं गायली आहे. शिला की जवानी, देसी गर्ल, बीडी जलाईले या सुनिधीच्या गाण्यांना प्रेक्षकांची पसंती मिळाली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.