Swatantra Veer Savarkar movie box office collection: 'स्वातंत्र्यवीर सावरकर' चित्रपटानं ओपनिंग-डेला किती केली कमाई? जाणून घ्या बॉक्स ऑफिस कलेक्शन

Swatantra Veer Savarkar: बॉलिवूडमधील प्रसिद्ध अभिनेता रणदीप हुड्डाचा (Randeep Hooda) 'स्वातंत्र्यवीर सावरकर'(Swatantra Veer Savarkar) हा चित्रपट काल (22 मार्च) रिलीज झाला. सोशल मीडियावर पोस्ट शेअर करुन अनेकांनी या चित्रपटाचं कौतुक केलं आहे. या चित्रपटात विनायक दामोदर सावरकर यांनी देशाच्या स्वातंत्र्यासाठी दिलेला लढा दाखवण्यात आला आहे. चित्रपटात रणदीपनं विनायक दामोदर सावरकर यांची भूमिका साकारली आहे. या चित्रपटासाठी त्यानं बरीच मेहनत देखील घेतली आहे. आता या चित्रपटानं ओपनिंग-डेला बॉक्स ऑफिसवर किती कमाई केली आहे? जाणून घेऊयात...

'स्वातंत्र्यवीर सावरकर' चित्रपटाचं बॉक्स ऑफिस कलेक्शन (Swatantra Veer Savarkar movie box office collection Day 1)

Sacnilk.com च्या रिपोर्टनुसार, रणदीप हुड्डाच्या 'स्वातंत्र्यवीर सावरकर' या चित्रपटानं ओपनिंग-डेला 1.15 कोटींची कमाई केली आहे. याचा अर्थ या चित्रपटाची बॉक्स ऑफिसवर चांगली सुरुवात झाली आहे. आता वीकेंडला या चित्रपटाच्या कमाईत वाढ होईल, असा अंदाज लावला जात आहे.

विनायक दामोदर सावरकर यांनी भारताच्या स्वातंत्र्यासाठी दिलेला लढा, त्यांचा संघर्ष 'स्वातंत्र्यवीर सावरकर' या चित्रपटात मांडण्यात आला आहे. या चित्रपटाची निर्मिती झी स्टुडिओज, आनंद पंडित, संदीप सिंग, रणदीप हुड्डा आणि योगेश राहर यांनी केली आहे तसेच रूपा पंडित, सॅम खान, अन्वर अली आणि पांचाली चक्रवर्ती यांनी या चित्रपटाची सह-निर्मिती केली आहे.

'स्वातंत्र्यवीर सावरकर' चित्रपटाची स्टार कास्ट

'स्वातंत्र्यवीर सावरकर' या चित्रपटात रणदीप हुड्डासोबतच अंकिता लोखंडे आणि अमित सियाल यांनी देखील प्रमुख भूमिका साकारली आहे. 'स्वातंत्र्यवीर सावरकर' या चित्रपटात विनायक दामोदर सावरकर यांची भूमिका साकारण्यासाठी रणदीप हुड्डा 30 किलो वजन कमी केलं आहे. काही दिवसांपूर्वी रणदीपनं त्याच्या बॉडी ट्रान्सफॉर्मेशनचा फोटो सोशल मीडियावर शेअर केला होता.

रणदीपनं एबीपी माझाला दिलेल्या मुलाखतीमध्ये सांगितलं होतं की या चित्रपटासाठी त्यानं त्याचं घर विकलं. तो म्हणाला होता, "हा सिनेमा तयार करण्यासाठी मला कोणीही मदत केलेली नाही. या सिनेमासाठी मी माझं घर विकलं आहे. मी हा सिनेमा सावरकरांवर झालेला अन्याय दाखवण्यासाठी बनवला आहे. "