Tiger Shroff: बडे दिलवाला! अंथरुणाला खिळलेल्या क्रू मेंबरच्या मदतीला धावला टायगर श्रॉफ; आई आयेशा यांनीही केली विचारपूस

Tiger Shroff Helped Crew Member: लोकप्रिय बॉलिवूड अभिनेता टायगर श्रॉफ याने एका क्रू मेंबरची आर्थिक मदत केली आहे.
tiger shroff
tiger shroff sakal

अभिनेता जॅकी भगनानी आणि त्याचे वडील वासू भगनानी यांच्या पूजा एंटरटेनमेंटने अनेक कलाकार आणि सेटवरील कामगारांचे पैसे थकवले असल्याच्या बातम्या गेल्या काही दिवसांपासून समोर येत आहेत. कामगारांचे पैसे देण्यासाठी अभिनेता अक्षय कुमार याने त्याची फीदेखील घेतलेली नाही. अशातच आता पूजा एंटरटेनमेंटमध्ये काम करणाऱ्या एका कामगाराला अभिनेता टायगर श्रॉफने मदतीचा हात दिला आहे.

रवी कुमार असं त्या व्यक्तीचं नाव असून काही महिन्यांपूर्वी वासू भगनानी यांच्या 'मेरे हसबंड की बीवी' या चित्रपटाच्या सेटवर ते जखमी झाले होते. त्यानंतर आठ महिने हे अंथरुणाला खिळलेले आहेत. तेव्हापासून वासू भागणारी यांनी त्यांचे पैसेही थकवले आहेत. त्यांची जवळपास १ लाखांच्यावर रक्कम पूजा एंटरटेनमेंटने दिलेली नाही. आता अभिनता टायगर श्रॉफ याने त्यांची मदत केली आहे. रवी यांनी हिंदुस्तान टाइम्सला दिलेल्या मुलाखतीत ही माहिती दिली आहे.

या मुलाखतीत रवी म्हणाले, 'तो त्यांच्या मनाचा मोठेपणा आहे की प्रोडक्शन हाउसने मला मदत नाही केली पण त्यांनी केली. मी त्यांच्या 'हिरोपंती' या चित्रपटासाठी काम केलं होतं. तर माझ्या वडिलांनी त्यांच्या वडिलांच्या म्हणजेच जॅकी श्रॉफ यांच्या चित्रपटासाठी काम केलं होतं. तेव्हा माझ्या वडिलांच्या हाताचं ऑपरेशन जॅकी यांनी करून दिलेलं. आता टायगर माझी मदत करतोय. त्यांच्या आईने मला फोन केलेला. त्या माझ्याशी बोलल्या.'

रवी यांनी टायगरने दिलेल्या मदतीचा आकडा सांगण्यास नकार दिला असला तरी ही मदत लाखांमध्ये आहे. रवी कुमार हे सेटवर फोकस पुलरचं काम करायचे मात्र अपघातानंतर त्यांना पुरेसं काम मिळणं बंद झालं. त्यात प्रोडक्शन हाउसने हात वर केल्याने त्यांना उपचारासाठी पैसे मिळेनासे झाले. प्रोडक्शन हाउसने आठ महिने त्यांना केवळ खोटी आशा दाखवली, फोन उचलले नाहीत असं रवी म्हणाले.

tiger shroff
अभिनेते सुनील तावडे यांच्या होणाऱ्या सुनबाईंना पाहिलंत का? लेक शुभंकरने दिली प्रेमाची कबुली; शेअर केला खास फोटो

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com