Premium| Fruit Recipes: फळांचे स्वादिष्ट प्रयोग

प्रियंका येसेकर आंबा-कैरी चटणीवाढप३ ते ४ व्यक्तींसाठीसाहित्यएक मध्यम आकाराचा पिकलेला आंबा (सोलून आणि फोडी केलेला), १ मध्यम आकाराची कैरी (सोलून आणि फोडी केलेली), २ चमचे गूळ (चवीनुसार कमी-जास्त), १ चमचा लाल तिखट, अर्धा चमचा हळद, १ चमचा जिरे, अर्धा चमचा मोहरी, २ ते ३ लसूण पाकळ्या (ऐच्छिक), १ चमचा तेल, चवीनुसार मीठ. .कृतीआंबा-कैरी चटणी करण्यासाठी मिक्सरच्या भांड्यात आंब्याच्या आणि कैरीच्या फोडी, गूळ, लाल तिखट, हळद आणि मीठ घालावे. हे सर्व घटक एकत्र करून बारीक वाटून घ्यावेत. (थोडे जाडसर वाटले तर अधिक चविष्ट लागते.) नंतर एका छोट्या कढईत तेल गरम करून त्यात जिरे, मोहरी आणि लसूण घालावे. फोडणी थोडी परतून त्यात वाटलेले मिश्रण घालावे आणि २ ते ३ मिनिटे परतावे.टीप : १. ही चटणी पातळ हवी असेल तर थोडे पाणी घालू शकता. २. गोडसर आणि तिखट चव आवडत असल्यास गूळ आणि तिखटाचे प्रमाण वाढवू शकता. ३. ही चटणी फ्रीजमध्ये ठेवल्यास ३-४ दिवस टिकते..संत्रा बर्फीवाढप२ ते ३ व्यक्तींसाठीसाहित्यएक कप संत्र्याचा रस, अर्धा कप साखर, १ कप ओल्या नारळाचा कीस, १ टीस्पून तूप, अर्धा टीस्पून वेलदोडे पूड, अर्धा कप खवा.कृतीएका भांड्यात तूप गरम करावे आणि त्यात संत्र्याचा रस तसेच साखर घालावी. मिश्रण घट्टसर होईपर्यंत सतत हलवत राहावे. त्यानंतर त्यात खोबरे, मावा आणि वेलदोड्याची पूड मिसळावी. मिश्रण व्यवस्थित जमल्यावर तूप लावलेल्या ताटात ओतावे आणि थंड होऊ द्यावे. नंतर सुरीने बर्फीच्या आकारात कापून सर्व्ह करावे..शाही आंबा शिकरणवाढप२ ते ३ व्यक्तींसाठीसाहित्यदोन पिकलेले आंबे, १ कप दूध, २ चमचे साखर (ऐच्छिक), पाव चमचा वेलदोडे पूड, ५ ते ६ बदाम व पिस्ते.कृतीसर्वप्रथम आंबे सोलून गर काढून मिक्सरमध्ये मऊसर पेस्ट तयार करावी. नंतर एका भांड्यात दूध घेऊन त्यात तयार केलेली पेस्ट मिसळावी व चवीनुसार साखर घालून मिश्रण व्यवस्थित हलवावे. नंतर त्यात वेलदोड्याची पूड घालून पुन्हा एकत्र हलवावे. वरून बारीक चिरलेले बदाम-पिस्ते भुरभुरून गार करून सर्व्ह करावे..Premium| Maharashtrian Desserts Recipes: घरच्या घरी बनवा आंबा बर्फी, पपया श्रीखंड आणि स्ट्रॉबेरी हलवा!.केळीचा शिरावाढप२ ते ३ व्यक्तींसाठीसाहित्यदोन मध्यम आकाराची पिकलेली केळी, १ कप रवा, अर्धा कप साखर, २ कप दूध, २ टीस्पून तूप, १ टीस्पून वेलदोडे पूड, काजू-बदाम सजावटीसाठी.कृतीसर्वप्रथम कढईत तूप गरम करून मंद आचेवर रवा भाजावा. रव्याचा सुगंध येताच त्यात गरम दूध घालून सतत हलवावे. नंतर साखर आणि चिरलेली केळी घालून व्यवस्थित मिसळावे. मिश्रण घट्टसर झाल्यावर त्यात वेलदोड्याची पूड आणि सुकामेवा घालावा. केळीचा शिरा तयार..Premium| Delicious Recipes: खमंग वड्यांचे विविध प्रकार.पेरूची चटणीवाढप३ ते ४ व्यक्तींसाठीसाहित्यदोन पिकलेले पेरू, २ हिरव्या मिरच्या, १ टीस्पून जिरे, १ लहान तुकडा गूळ, मीठ चवीनुसार, १ चमचाभर लिंबाचा रस.कृतीसर्वप्रथम पेरूतील बिया काढून पेरूचे तुकडे करावेत. नंतर मिक्सरमध्ये पेरू, हिरव्या मिरच्या, जिरे, गूळ आणि मीठ घालून बारीक वाटावे. त्यात लिंबाचा रस मिसळून पुन्हा एकदा वाटून घ्यावे. ही चटणी पोळी, पराठा किंवा भातासोबत स्वादिष्ट लागते..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Premium| Fruit Recipes: फळांचे स्वादिष्ट प्रयोग

Related Stories