IV ड्रिप म्हणजे नेमके काय?

IV ड्रिप म्हणजे एका छोट्या नळीद्वारे द्रवपदार्थ किंवा काही घटक थेट रक्तवाहिनीत सोडण्याची पद्धत. रुग्णाच्या वैद्यकीय स्थितीनुसार आणि गरजेनुसार डॉक्टर नसांमधून काही द्रव्य, औषधं शरीरात सोडतात. पण आता काही वेलनेस क्लिनिक्समध्ये सौंदर्य वाढवण्यासाठी खास आयव्ही ड्रिप्स दिल्या जातात. अगदी सोप्या मराठीत सांगायचं तर सलाइनसारखंच हे ड्रिप. शरीरातील पाण्याचं प्रमाण कायम राहावं, डी हायड्रेशन होऊ नये, दमणूक होऊ नये यासाठी खास मिश्रण असलेल्या ड्रिपही दिल्या जातात. त्यातील घटक तुम्ही निवडलेल्या ड्रिपच्या प्रकारानुसार वेगवेगळे असतात. व्हिटॅमिन सी, बी-कॉम्प्लेक्स जीवनसत्त्वे, झिंक, मॅग्नेशियम किंवा शरीरात नैसर्गिकरीत्या आढळणारे ग्लुटाथायोन (Glutathione) यांसारख्या अँटिऑक्सिडंटचाही समावेश असतो.

नवरात्रीत IV ड्रिप घेण्याकडे लोकांचा कल का?

गरब्यामध्ये सलग अनेक तास नाचणे, रात्री उशिरापर्यंतची जागरणं, गर्दीच्या ठिकाणी वारंवार जाणं या सगळ्याबरोबर कामाच्या डेडलाइन्स, अपुरी झोप, कपड्यांची लगबग यामुळे मेकअप आणि त्वचेची काळजी घेण्यात खूप धावपळ होते. पण सोशल मीडियावर पोस्ट तर करायच्या असतात, छान छान तर दिसायचं असतं त्यासाठीच काहीजण असे झटपट उपाय शोधतात. देशभरातील अनेक मेट्रोसिटीजमध्ये विविध वेलनेस सेंटर्स, सॅलॉन्स, क्लिनिक्स अशाप्रकारचे आयव्ही ड्रिप ट्रीटमेंट देत असतात. अगदी २-४ हजारापासून सुरू होऊन याची किंमत पुढे ३०-५० हजार आणि काही ठिकाणी याहीपेक्षा जास्त असते. सौंदर्यासाठी, चांगलं दिसण्यासाठी अनेक तरुण तरुणी बराच खर्च करायला तयार असतात.

IV ड्रिप थेरपीसाठी किती खर्च येतो?

IV ड्रिपची किंमत निरनिराळ्या घटकांवर अवलंबून असते. तुम्ही कोणत्या ठिकाणी ही ट्रीटमेंट घेत आहात, तुमच्या आयव्ही ड्रिप्समध्ये कोणते घटक वापरले जातात आणि तुम्ही त्याची किती सेशन्स घेता? अशा अनेक गोष्टी असतात.मुंबईत या ड्रिप्ससाठी साधारण २ ते अडीच हजारापासून सुरुवात होते. ही किंमत पुढे ३०-४० हजारापर्यंत जाऊ शकते. विविध वेलनेस क्लिनिक्स, सेंटर्स त्यांच्या पद्धतीने त्याचं कॉस्टिंग करतात.

IV ड्रिपमुळे खरोखर त्वचा चमकदार होते आणि ऊर्जा वाढते का?

ही ड्रिप्स देणारे जवळपास सगळेच वेलनेस सेंटर्स, क्लिनिक्स असा दावा करतात की, याचे बरेच फायदे आहेत. IV ड्रिपद्वारे घटक थेट रक्तप्रवाहात पोहोचतात. त्यामुळे नेहमीच्या पद्धतीने एखादा पदार्थ खाऊन मग पचनसंस्थेतून त्यावर प्रक्रिया होऊन नंतर ते शरीराला आवश्यक घटकांत रुपांतर होण्याची प्रक्रिया टळते, असा अनेकांचा समज असतो. मात्र थेट रक्तपवाहात हे घटक पोहोचले याचा अर्थ प्रत्येक व्यक्तीला त्याचा फायदाच होईल, त्यापासून अधिक उर्जा मिळेल, असं ठोस सांगता येत नाही.या उपचारांचे परिणाम त्यामध्ये वापरलेले घटक, संबंधित व्यक्तीची आरोग्यस्थिती आणि शरीरात एखाद्या जीवनसत्त्वाची किंवा पोषक घटकाची कमतरता आहे का, यावर अवलंबून असतात.

IV ड्रिपचे धोके कोणते? डॉक्टर काय म्हणतात ?

IV Drip थेरपी ही एक वैद्यकीय प्रक्रिया आहे; ती केवळ ब्युटी सलूनमधील सौंदर्योपचारासारखी नाही.गुजरात मधील त्वचारोगतज्ज्ञ डॉ शिखा शाह म्हणतात, या आयव्ही ड्रिप्समुळे कोणतीही विशेष एनर्जी मिळते किंवा त्वचेवर चमक येते या दाव्यांना शास्त्रीय आधार नाही. या उपचारपद्धतीला समर्थन देणारे ठोस वैज्ञानिक पुरावे उपलब्ध नाहीत. त्या म्हणतात की, कोणत्याही प्रमुख वैज्ञानिक किंवा वैद्यकीय संस्थेने या उपचारपद्धतीविषयी अधिकृत मान्यता दिलेली नाही. शिवाय आयव्ही ड्रीप थेरपीच्या माध्यमातून बनावट औषधांचा धोकाही संभवतो. काही ठिकाणी तर यकृत आणि मूत्रपिंडांच्या कार्यावर विपरीत परिणाम झाल्याचंही समजतं आहे. डॉ शिखा या त्वचारोगतज्ज्ञ असून त्यांनी एमडी आणि डीएबी दोन्ही पदव्या सुवर्णपदकासह मिळवलेल्या आहेत. त्या अहमदाबादमध्ये क्लिनिक चालवतात. सणाच्या काळात त्वचा तजेलदार हवी असेल, चांगली एनर्जी हवी असेल भरपूर पाणी प्या, चांगला आहार घ्या. व्यायाम करा.

प्रीमियम आर्टिकल

Premium|Navratri 2026: गरब्यासाठी सलाईन? IV ड्रिपचा नवा ट्रेंड, 10 हजारांची एनर्जी ड्रिप, फायदा की धोका?

IV Drip Benefits and Risks : १० हजार खर्चून, IV Dripलावून खरंच एनर्जी मिळते का, त्वचा चमकते का? वेलनेस क्लिनिकच्या दाव्याचं सत्य वाचा...

IV Drip for Skin Glow and Energy: Does It Really Work?

E sakal

Updated on:

12 October 2026, 4:31 pm IST

IV Drip Therapy in India: Cost, Benefits and Health Risks

नवरात्र म्हणजे ९ दिवस, ९ रात्री गरब्याची धमाल. त्यासाठीची शॉपिंग, गाणी सगळं ट्रेंडिंग आहेच पण यंदा शहरातला नवा ट्रेंड आहे - गरब्याआधी IV ड्रिप घेण्याचा! दिवसभर ऑफिस-कॉलेजचा थकवा आणि रात्री नाचण्यासाठी हवी असलेली एनर्जी, यासाठी तरुणाई वेलनेस सेंटरमध्ये जाऊन सलाईन लावतेय. अशा पद्धतीने IV Drip देणारी अनेकविध पॅकेजीस दिसतील. एनर्जी बूस्टिंग, स्किन ग्लो, व्हिटॅमिन पुश अशी निरनिराळी अमिषं दाखवणारी ही ट्रीटमेंट खरंच उपयोगी आहे का? डॉक्टर्स त्याविषयी काय म्हणतात? सविस्तर वाचा, सकाळ प्लसच्या या विशेष लेखामध्ये.

Loading content, please wait...

skin care