शेअर बाजार ही काही जणांना मालामाल होण्याची संधी वाटते तर काहींना जुगार. आज जगभरातले कोट्यवधी लोक शेअर बाजारात पैसै लावून पैसा कमवत आहेत. या शेअर बाजाराने अनेकांना कंगाल केले तर अनेकांना मालामाल. भारतात हर्षद मेहताच्या कारनाम्यांनी तर साऱ्या देशाची झोप उडवली होती. शेअर बाजाराचा हा प्रवास नक्की सुरु कसा झाला याची ही माहिती....(How Share Market started in the world)
एका अंदाजानुसार आज जगभरात लाखांहून अधिक कंपन्यांचे शेअर (Share Market) किंवा समभाग बाजारात आहेत. यापैकी बऱ्याच कंपन्यांचे व्यवहार कमी असले तरी अमेरिकेच्या न्यूयाॅर्क स्टाॅक एक्श्चेंज किंवा नॅसडॅक वर ४०००च्या आसपास कंपन्या शेअर व्यवहार करतात. भारतात (India) सुमारे आठ हजार कंपन्या एकतर नॅशनल स्टाॅक एक्श्चेंज किंवा बाँबे स्टाॅक एक्श्चेंजला नोंदणीकृत आहेत. या साऱ्या कंपन्यांच्या आर्थिक व्यवहारांचा आकडा आकाशाला भिडणारा आहे.