वारंवार गोळ्या-औषधे घेऊनही तुमची सर्दी बरी होत नाही. किंवा रुग्णालयातील अत्यवस्थ रुग्णाला झालेला संसर्ग नियंत्रित करण्यासाठी डॉक्टर वेगवेगळी अँटिबायोटिक्स लिहून देत आहेत. हे असं का होतं? याचं उत्तर ‘अँटिबायोटिक्स रेझिस्टन्स’ असं आहे.
तुम्हाला सर्दी-खोकला सारखा साधा आजार झाल्यानंतर तुम्ही थेट मेडिकल शॉपमध्ये जाऊन अँटिबायोटिक्स घेता का? की, आधी डॉक्टरांकडे जाता. ते तुम्हाला तपासतात आणि नंतर त्यांनी दिलेली औषधे तुम्ही घेता. यापैकी कोणती पद्धत तुम्ही अवलंबता? आतापर्यंत तुम्ही काय केलं त्याबरोबरच आता पुढे तुम्ही काय केलं पाहिजे, हे जास्त महत्त्वांच ठरतं. त्यासाठी अँटिबायोटिक्स रेझिस्टन्स समजून घ्यावा लागेल.