पुणे-नाशिक पट्टयाच्या विकास रेल्वेमुळे होणार सुसाट | Sakal
sakal

बोलून बातमी शोधा

Pune-Nashik railway}
पुणे-नाशिक पट्टयाच्या विकास रेल्वेमुळे विकास होणार सुसाट

पुणे-नाशिक पट्टयाच्या विकास रेल्वेमुळे होणार सुसाट

रेल्वे ही देशाच्या आर्थिक विकासाचा कणा समजली जाते. पुणे आणि नाशिक हा राज्यातील सर्वात श्रीमंत असा औद्योगिक आणि कृषी पट्टा आहे. या दोन प्रमुख शहरांना हायस्पीड रेल्वे मार्गाने जोडण्यासाठी महाराष्ट्र रेल इन्फ्रास्ट्रक्चर डेव्हल्पमेन्ट कॉर्पोरेशन लिमिटेड (महारेल) सेमी हायस्पीड रेल्वे उभारणीचा प्रकल्प हाती घेतला आहे. या प्रकल्पास रेल्वे मंत्रालयाने नुकताच ग्रीन सिग्नल दिला आहे. या प्रकल्पामुळे पुणे नाशिक रस्त्यावरील वाहतुक कमी होण्याबरोबरच वेळेची बचत, इंधनाची बचत, प्रदुषण कमी होण्याबरोबरच कृषी व औद्योगिक क्षेत्राला फायदेशीर ठरणार आहे. (MAHARAIL Pune-Nashik project )

हा रेल्वे मार्ग पुणे, नगर आणि नाशिक या तीन जिल्हयातून जाणार आहे. चाकण, राजगुरूनगर (खेड), मंचर, नारायणगाव, आळेफाटा, संगमनेर आणि सिन्नर येथील महत्वाचे उद्योग, विशेष आर्थिक क्षेत्र व कृषी केंद्रांना जोडण्यात येणार आहे. सुरक्षित व जलद वाहतुकीसाठी हा रेल्वे मार्ग अनेक अर्थाने फायदेशीर ठरणार आहे. पहिल्या टप्प्यात प्रतितास २०० किलोमीटर या वेगाने या मार्गावरील रेल्वे धावणार आहे. भविष्यात हा वेग प्रतितास २५० किलोमीटरच्या वेगाचे नियोजन करण्यात आले आहे. त्यामुळे पुणे ते नाशिक हे अंतर १ तास ४५ मिनिटांवर आल्याने प्रवाशांच्या वेळेतही बचत होईल. देशातील सर्वात कमी किंमतीचा सेमी हायस्पीड रेल्वे कॉरीडॉर असणार आहे. एवढेच नव्हे, तर रेल्वेचा हा संपूर्ण मार्ग नव्याने आखणी करण्यात आल्यामुळे पुणे ते नाशिक या २३५ किलोमीटर लांबीच्या पट्ट्यांच्या विकासाला गती मिळणार आहे. रस्ते वाहतुकीबरोबरच रेल्वेमुळे पर्यायी वाहतुक व्यवस्था यानिमित्ताने या भागात उभी राहणार आहे. शेती, औद्योगिक क्षेत्राबरोबरच या भागातील जमिनींच्या किंमतीमध्ये मोठी वाढ होणार आहे. पर्यायाने याचा लाभ या मार्गाच्या दोन्ही बाजूस असलेल्या गावांना होणार आहे.

पुणे आणि नाशिक पट्ट्यातील प्रमुख कृषी उत्पादने-
-राज्यातील हा एक प्रमुख कृषी उत्पादक पट्टा.
-पुणे जिल्हयातील जुन्नर, नारायणगाव, मंचर, आळेफाटा येथील भाजीपाला, द्राक्षे, कांदा,फळे व फुले देशाच्या विविध भागात पाठविली जातात
-रेल्वे मार्गाच्या दोन्ही बाजूस पन्नास किलोमीटरच्या परिसरात दूध उत्पादन, भाजीपाला,फळे आणि ऊस ही प्राथमिक उत्पादक कंपन्यांना फायदेशीर
-मंचर, जुन्नर,संगमनेर, सिन्नर येथे ऊसावर प्रक्रिया करणारे साखर कारखाने आहेत. त्यांना फायदा होणार
-रेल्वेच्या पट्ट्यात विविध कृषी आणि दूध प्रक्रिया केंद्र व खाद्य प्रक्रिया उद्योगांना चालना
-तर नाशिक जिल्हयात ऊस व कांदा अन्य भागात पाठविणे शक्य होणार.

हेही वाचा: जगभरात संघर्ष कायम राहणे, हेच शस्त्रविक्रेत्या देशांचे व्यापार धोरण आहे

या रेल्वे मार्गामुळे होणारे फायदे-
-शेतकऱ्यांना शेतीमाल बाजार समितीपर्यंत पोचविणे शक्य
-माल वाहतुक जलद व स्वस्त वाहतूक होणार
-रेल्वे मार्गावर नाशवंत मालासाठी पार्सल व्हॅनची सुविधा
-तरूणांना रोजगाराची मोठी संधी उपलब्ध होणार
-पुण्यासह देशातील बाजारपेठेत माल पाठविण्यासाठी हा रेल्वे मार्गा उपयोगी ठरणार
-पुरंदर येथील प्रस्तावित विमानतळावर माल पाठविणे शक्य होणार
-चाकण,मंचर, नारायणगाव, आळेगाव फाटा आणि संगमनेर या केंद्रावर खासगी मालवाहतुकीसाठी टर्मिनल उभारणार
-८० टक्क्यांनी अन्नधान्याच्या वाहतुकीत वाढ होण्याची शक्यता
-प्रकल्प उभारणीच्या काळात किमान २५ हजार लोकांना रोजगार मिळणार
-जमिनींच्या दरात मोठी वाढ होणार

रेल्वे मार्गावर स्थानके आणि त्यांची वौशिष्टे
१) चाकण स्थानक-
-हे प्रमुख मालवाहतूक भंडार स्थानक असणार आहे.
-प्रवाशांच्या सोयीसाठी तळेगाव-चाकण-शिक्रापूर महामार्गाला लागून स्टेशन असणार
-रेल्वे सायडिंग, ऑटोयार्ड, लोडींग आणि गोदाम सुविधा असणार
२) राजगुरूनगर स्थानक
-हे स्थानक फक्त प्रवासी वाहतूकीसाठी असणार आहे.
-विशेष आर्थिक क्षेत्राला हे स्थानक जोडणार
३) मंचर स्थानक
-बाजार समिती असल्यामुळे प्रवाशांबरोबरच कृषी उत्पादनांची माल वाहतुक सोईचे ठरणार
-मंचर ते चिंचोली रस्ता राष्ट्रीय महामार्गाला जोडणार
४) नारायणगाव स्थानक
-कृषी उत्पादने व खासगी मालक वाहतुक स्थानक म्हणून विकसित होणार
-टॉमेटो, कांदा आणि बटाटा देशाच्या विविध भागात पाठविणे शक्य होणार
-स्थानक महामार्गाला जोडणार
५) संगमनेर स्थानक
-राज्य महामार्गाला जोडणार
-दूध उत्पादन, प्रवासी वाहतुक, शाळा व महाविद्यालयीन विद्यार्थी व भाजीपाला वाहतुकीला चालना मिळणार
६)सिन्नर स्थानक
-मालवाहतूक भांडार स्थापन असणार
-महाराष्ट्र औद्योगिक विकास महामंडळासाठी हे स्थानक फायदेशीर ठरणार
७) नाशिक स्थानक
-जिल्हयातील कृषी उत्पादने देशभर पाठविणे सोईचे होणार
-नाशिक -मनमाड रेल्वे लाइनवर हे स्थानक असणार
----------
रेल्वे मार्गावर वीस स्थानके .
पुणे , हडपसर, मांजरी, वाघोली, आंळदी, चाकण, राजगुरूनगर, मंचर, नारायणगाव, आळेफाटा,बोटा, साकुर, आंभोरे, संगमनेर, अमोण, नांदूर शिंगोटे, सिन्नर,मोहदरी, वडगाव पिंगला, नाशिकरोड
------------

प्रकल्पासंबंधी
-पुणे,नगर आणि नाशिक मधील १ हजार ४७० हेक्टर जमीन संपादीत होणार
-प्रकल्पाचा खर्च १६ हजार कोटी रूपये
-त्यापैकी केंद्र व राज्य प्रत्येकी २० टक्के, तर ६० टक्के कर्ज रूपाने निधी उभारणार
-भूसंपादन बाजारभावाने व थेट खरेदीने होणार
=रेल्वे मार्गा ओलंडण्यासाठी प्रत्येक ७५० मीटर अंतरावर ये-जा करण्याची सुविधा असणार
-ब्रॉडगेज रेल्वे मार्ग असणार
-----------
अशी होणार वेळेची बचत
पुण्यातून रेल्वे मार्गाने सध्या नाशिकला जाण्यासाठी दोन मार्ग कार्यरत आहेत. त्यापैकी पुणे, दौंड-नगर, मनमाड आणि नाशिक असा एक मार्ग होता. तर दुसरा मार्ग हा पुणे-लोणावळा, दिवा, इगतपूरी आणि नाशिक हा मार्ग होता. या मार्गने नाशिकला जात असताना सात ते आठ तास वेळ लागत होता. तो आता पावणे दोन तासावर येणार आहे. तसेच नारायण गाव, मंचर, चाकण यामार्गाने ही रेल्वे या नवीन मार्गाने रेल्वे जाणार असल्यामुळे या भागातील विकासाला मोठी चालना मिळणार आहे.
------------

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा.”
go to top