Premium| Delicious Recipes: खमंग वड्यांचे विविध प्रकार

सुप्रिया खासनीस अळूच्या वड्या वाढप १०-१५ मध्यम आकाराच्या वड्यासाहित्यवड्यांसाठी मिळणारी ४ ते ६ अळूची पाने, १ वाटी बेसन पीठ, अर्धी वाटी चिंचेचा कोळ, अर्धी वाटी चिरलेला गूळ, १ चमचा धने-जिरे पूड, १ चमचा तिखट, मीठ, अर्धा चमचा हळद, २ ते ३ चमचे तांदळाचे पीठ, चिमूटभर सोडा..कृतीसर्वप्रथम अळूची पाने स्वच्छ धुऊन घ्यावीत. चिंचेच्या कोळात गूळ घालून चांगले मिसळावे. त्यानंतर बेसन पिठात हळद, मीठ, धने-जिरे पूड, सोडा आणि तांदळाचे पीठ मिसळून एकसारखे करावे. त्यात थोडे थोडे पाणी घालून भजीच्या पिठाइतपत पातळसर भिजवावे. नंतर अळूचे एक पान घेऊन त्याच्या पालथ्या (शिरा दिसणाऱ्या) बाजूवर तयार केलेले पीठ पसरावे. अशीच प्रक्रिया करून सर्व पाने एकमेकांवर ठेवत पीठ लावावे आणि पानांची घट्ट वळकटी करावी. तयार वळकटी १५-२० मिनिटे वाफवून घ्यावी. वळकटी गार झाल्यावर वड्या पाडून तळाव्यात. जर वड्या तळायच्या नसतील, तर त्यावर हिंग, मोहरी आणि तीळ घालून फोडणी देऊनही खाता येतात. आवडीनुसार डाळीच्या पिठात लसूण-मिरची पेस्ट घालूनही चव वाढवता येते..बटाटा खोबरे वड्यावाढप१५-२० वड्यासाहित्यतीन ते चार मध्यम आकाराचे बटाटे, अर्धा खोवलेला नारळ, ५ ते ६ मिरच्या, ३ ते ४ चमचे कॉर्नफ्लोअर किंवा तांदळाचे पीठ, मीठ, अर्धी वाटी बारीक चिरलेली कोथिंबीर, साखर, अर्धे लिंबू, तेल..कृतीसर्प्रथम बटाटे उकडून सोलावेत आणि किसून घ्यावेत. त्यात थोडे मीठ घालावे. जास्त मीठ घालू नये, कारण चटणीतही मीठ असते. मग त्यात कॉर्नफ्लोअर किंवा तांदळाचे पीठ मिसळून चांगले मळून घ्यावे. चटणीसाठी खोवलेला नारळ, मिरच्या, कोथिंबीर, मीठ, लिंबाचा रस आणि चवीपुरती साखर घालून मिश्रण तयार करावे. चटणी करताना पाणी घालू नये. वड्यांसाठी बटाट्याचे मोठ्या लिंबाएवढे गोळे तयार करावेत आणि त्याच प्रमाणात चटणीचे भाग करावेत. पोळपाटावर प्लॅस्टिक कागद पसरून त्यावर बटाट्याचा गोळा ठेवावा, मग त्यावर दुसरा प्लॅस्टिक कागद पसरून हलक्या हाताने लाटून घ्यावे. तयार पोळीवर चटणी पसरून त्याचा रोल करावा आणि त्याच्या वड्या कापून मंदाग्नीवर तळाव्यात. गरमागरम वड्या अतिशय स्वादिष्ट लागतात!.कोबीच्या वड्यावाढप२०-२५ वड्यासाहित्यदोन वाट्या किसलेला कोबी, १ वाटी बेसन पीठ, पाव वाटी तांदळाचे पीठ किंवा भाजणी, मीठ, अर्धा चमचा हळद, १ चमचा जिरे, अर्धी वाटी बारीक चिरलेली कोथिंबीर, ६-७ लसूण पाकळ्या, ४-५ हिरव्या मिरच्या, चवीनुसार मीठ, तेल..कृतीसर्वप्रथम किसलेल्या कोबीमध्ये मीठ, वाटलेला लसूण-मिरची ठेचा, कोथिंबीर आणि जिरे घालून चांगले एकत्र करावे. मिश्रणात पाणी घालू नये. त्यानंतर त्यात बेसन पीठ, तांदळाचे पीठ किंवा भाजणी घालून घट्टसर गोळा तयार करावा. मिश्रण सैल वाटल्यास थोडेसे अधिक बेसन पीठ घालू शकता. नंतर थाळीला तेल लावून त्यावर तयार गोळा थापावा. नंतर तो १५-२० मिनिटे वाफवून घ्यावा. गार झाल्यावर वड्या पाडून तळाव्यात..पालकाच्या वड्यावाढप२०-२५ वड्यासाहित्यदोन वाट्या मध्यमसर चिरलेला पालक, ५ ते ६ लसूण पाकळ्या, ५ ते ६ हिरव्या मिरच्या, १ वाटी बेसन पीठ, अर्धी वाटी थालीपीठ भाजणी किंवा तांदळाचे पीठ, १ चमचा जिरे, अर्धा चमचा ओवा, मीठ, तेल..कृतीप्रथम जिरे, ओवा, हिरवी मिरची आणि लसूण यांचे वाटण करून घ्यावे. त्यानंतर भाजणी, मीठ, तांदळाचे पीठ आणि बेसन एकत्र करून चांगले मिसळावे. या पिठात चिरलेला पालक घालून सर्व मिश्रण एकजीव करावे. गरजेनुसार एक-दोन चमचे पाणी घालून घट्टसर पीठ मळावे. वड्यांसाठी थाळीला तेल लावून त्यावर तयार गोळा थापावा किंवा रोल करून ठेवावा. नंतर १५-२० मिनिटे मिश्रण वाफवून घ्यावे. मिश्रण गार झाल्यावर त्याच्या वड्या कापून तळाव्यात. भाजणीमुळे वड्या कुरकुरीत आणि चविष्ट होतात..मेथीच्या वड्यावाढप२०-२५ वड्यासाहित्यएक मध्यम आकाराची मेथीची जुडी, १ ते दीड वाटी बेसन पीठ, पाव वाटी रवा, ६ ते ७ लसूण पाकळ्या, ५ ते ६ हिरव्या मिरच्या, १ चमचा पांढरे तीळ, हिंग, मीठ, तेल, अर्धा चमचा गरम मसाला..कृतीप्रथम मेथी निवडून, स्वच्छ धुऊन, निथळून, बारीक चिरून ठेवावी. नंतर डाळीचे पीठ, रवा, लसूण-मिरची पेस्ट, हिंग, तीळ, गरम मसाला आणि मीठ एकत्र करून चांगले मिसळावे. त्यात थोडेसे गरम तेल घालून पुन्हा कालवावे. तयार मिश्रणात चिरलेली मेथी घालून घट्टसर पीठ मळावे. आवश्यकतेनुसार थोडेसे पाणी घालावे. नंतर थाळीला तेल लावून त्यावर तयार गोळा थापावा आणि १५-२० मिनिटे वाफवून घ्यावा. मिश्रण गार झाल्यावर वड्या कापून तळाव्यात..Premium| Fasting Recipes : साबुदाणा पराठे, शेंगदाण्याची आमटी.पाटवड्यावाढप२०-२५ वड्यासाहित्यदोन वाट्या बेसन पीठ, ६ ते ७ हिरव्या मिरच्या, ५ ते ६ लसूण पाकळ्या, अर्धी वाटी बारीक चिरलेली कोथिंबीर, २ चमचे खसखस, तेल, पाव वाटी सुके किसलेले खोबरे, हळद, मीठ.कृतीसर्वप्रथम बेसन पीठ चाळून घ्यावे. लसूण आणि मिरचीची पेस्ट तयार करून ठेवावी. नंतर कढईत अर्धी वाटी तेल गरम करावे. तेल तापल्यावर त्यात लसूण-मिरची पेस्ट घालून परतावी व हळद घालून साधारण दीड ते पावणेदोन वाट्या पाणी घालावे. चवीनुसार मीठ घालून मिश्रणाला उकळी येऊ द्यावी. उकळी आल्यावर हळूहळू पाण्यात बेसन पीठ घालावे आणि सतत हलवत राहावे, जेणेकरून गुठळी होणार नाही. .Premium| Holi Special Recipes: कटाची आमटी, थंडाई आणि पुरणपोळीची खास रेसिपी!.मिश्रण घट्टसर झाल्यावर झाकण ठेवून एक वाफ येऊ द्यावी. नंतर ताटाच्या मागच्या बाजूला तेल लावून त्यावर थोडी खसखस आणि कोथिंबीर पसरावी. तयार झालेले पीठ ताटावर थापावे. त्यावर किसलेले खोबरे, खसखस आणि कोथिंबीर भुरभुरून एकदा हलके लाटणे फिरवावे. मिश्रण गार झाल्यावर वड्या कापाव्यात आणि गरमागरम सर्व्ह कराव्यात.(सुप्रिया खासनीस चिंचवडस्थित फूड ब्लॉगर आहेत.).सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Premium| Delicious Recipes: खमंग वड्यांचे विविध प्रकार

Related Stories