किशोर पेटकर मागील काही वर्षे आयपीएलमध्ये वाट चुकलेल्या वाटसरूप्रमाणे संधी शोधत राहिलेल्या शशांक सिंगच्या आक्रमक शैलीतील गुणवत्तेचे आता सोने झाले. आपली क्षमता सिद्ध करण्याच्या ध्येयाने पछाडल्यामुळे तो गोलंदाजांसाठी कर्दनकाळ ठरला आहे. .आयपीएल ही क्रिकेट विश्वातील सर्वांत मोठी लीग आहे. याच आयपीएल क्रिकेट स्पर्धेने कितीतरी अनोळखी चेहऱ्यांना प्रकाशझोतात आणले आहे. पंजाब किंग्ज संघातून खेळणारा फलंदाज शशांक सिंग अनोळखी क्रिकेटपटू. यावर्षी दे दणादण फलंदाजीमुळे त्याचे नाव क्रिकेटप्रेमींच्या ओठांवर राहिले. गेल्या वर्षी १९ डिसेंबरला झालेल्या आयपीएल लिलावात तो पंजाब किंग्जला नकोसा होता, तरीही बोली लावताना उडालेल्या गोंधळामुळे तो अभिनेत्री प्रीती झिंटाची मालकी हक्क असलेल्या या संघाला मिळाला. मुळात शशांक सिंग नावाचे दोन क्रिकेटपटू लिलावात होते. छत्तीसगडकडून प्रथम श्रेणी क्रिकेट खेळणाऱ्या शशांक सिंग याचे नाव उच्चारल्यानंतर पंजाब किंग्ज व्यवस्थापनाने त्याच्यासाठी दावा केला आणि पदरात पाडून घेतले. बोली प्रक्रिया पूर्ण झाली तेव्हा लक्षात आले, की शशांक सिंगला निवडताना चूक झालीय, पण नियमामुळे काहीच करता आले नाही. त्याच्या निवडीत गोंधळ उडाला, त्यावरून तो पंजाब किंग्जला नकोसा होता हे स्पष्ट झाले. नंतर पंजाब किंग्जने चुकीवर पांघरूण घालताना हाच शशांक सिंग संघात हवा असल्याची सारवासारव केली. असो! पण आता हा आक्रमक शैलीचा फलंदाज पंजाबमधील संघासाठी मॅचविनर ठरत आहे. फलंदाजीत हुकमी एक्का बनला आहे..तुफानी फलंदाजीकोलकत्यातील ऐतिहासिक ईडन गार्डन्सवर पंजाब किंग्जने कमाल करताना टी-२० क्रिकेट इतिहासातील उच्चांकी धावसंख्येचा यशस्वी पाठलाग केला. आंतरराष्ट्रीय सहकाऱ्यास तोलामोलाची साथ देताना शशांकनेही तुफानी फटकेबाजी केली. अवघ्या २८ चेंडूंत २ चौकार व तब्बल ८ षटकार खेचताना त्याने प्रेक्षणीय नाबाद ६८ धावा २४२.८६च्या वादळी स्ट्राईक रेटने नोंदविल्या. पंजाब किंग्जसाठी शशांकने अशाप्रकारची झंझावाती विजयी खेळी करण्याची ही काही पहिलीच वेळ नव्हती. अहमदाबादच्या प्रचंड आकारमानाच्या नरेंद्र मोदी स्टेडियमवर त्याने गुजरात टायटन्सच्या गोलंदाजांना सळो की पळो करून सोडले होते. २९ चेंडूंत ६ चौकार व ४ षटकारांच्या मदतीने आणि २१०.३४च्या स्ट्राईक रेटने नाबाद ६१ धावा करून शशांकने पंजाबला विजयी केले होते. प्रसिद्धीत न्हाऊन जाण्याची त्याची ती पहिलीच वेळ होती. आता त्याचा आत्मविश्वास कमालीचा उंचावला आहे..अखेर आयपीएलमध्ये स्थिरावलाघणाघाती फलंदाजी करणाऱ्या शशांक सिंगचा आयपीएलमध्ये २०१७पासून वावर आहे, परंतु त्याचे अस्तित्व कधीच जाणवले नाही. २०१७मध्ये दिल्लीतील संघात, २०१९ व २०२०मध्ये राजस्थान रॉयल्स संघात तो होता. २०२१मध्ये त्याच्यासाठी कोणताच संघ आग्रही नव्हता. २०२२मध्ये सनरायझर्स हैदराबादने त्याला संघात घेतले, पण नंतर विशेष प्रभाव पाडू न शकल्यामुळे करारमुक्त केले. २०२४मधील आयपीएलच्या लिलावात तो नजरचुकीने पंजाब किंग्ज संघात आला आणि आता चांगलाच स्थिरावल्याचे दिसून येते. त्याने वयाची तिशी पार केलेली आहे, त्यामुळे तसा उशीरच झालेला आहे. तरीही टी-२० क्रिकेटमध्ये वय आणि फटकेबाज फलंदाजी यांचा काहीएक संबंध नाही हे यंदा ४२ वर्षीय महेंद्रसिंह धोनी, ३८ वर्षीय दिनेश कार्तिक यांनी सिद्ध केले आहे. मागील काही वर्षे आयपीएलमध्ये वाट चुकलेल्या वाटसरूप्रमाणे संधी शोधत राहिलेल्या शशांकच्या आक्रमक शैलीतील गुणवत्तेचे आता सोने झाले. नाकारल्याच्या भावनेने शशांक मानसिकदृष्ट्या कणखर बनला. आपली क्षमता सिद्ध करण्याच्या ध्येयाने पछाडल्यामुळे तो गोलंदाजांसाठी कर्दनकाळ ठरला आहे.(लेखक सकाळ माध्यम समूहाच्या दै. गोमन्तकचे क्रीडा वार्ताहर आहेत.)-------------------.मानवाचा इतिहास आतापर्यंत निसर्ग आणि स्वभावाशी निगडित पण 'उत्तर मानव' प्रवास कसा असेल? .ब्रेक घ्या, डोकं चालवा, कोडे सोडवा!Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
किशोर पेटकर मागील काही वर्षे आयपीएलमध्ये वाट चुकलेल्या वाटसरूप्रमाणे संधी शोधत राहिलेल्या शशांक सिंगच्या आक्रमक शैलीतील गुणवत्तेचे आता सोने झाले. आपली क्षमता सिद्ध करण्याच्या ध्येयाने पछाडल्यामुळे तो गोलंदाजांसाठी कर्दनकाळ ठरला आहे. .आयपीएल ही क्रिकेट विश्वातील सर्वांत मोठी लीग आहे. याच आयपीएल क्रिकेट स्पर्धेने कितीतरी अनोळखी चेहऱ्यांना प्रकाशझोतात आणले आहे. पंजाब किंग्ज संघातून खेळणारा फलंदाज शशांक सिंग अनोळखी क्रिकेटपटू. यावर्षी दे दणादण फलंदाजीमुळे त्याचे नाव क्रिकेटप्रेमींच्या ओठांवर राहिले. गेल्या वर्षी १९ डिसेंबरला झालेल्या आयपीएल लिलावात तो पंजाब किंग्जला नकोसा होता, तरीही बोली लावताना उडालेल्या गोंधळामुळे तो अभिनेत्री प्रीती झिंटाची मालकी हक्क असलेल्या या संघाला मिळाला. मुळात शशांक सिंग नावाचे दोन क्रिकेटपटू लिलावात होते. छत्तीसगडकडून प्रथम श्रेणी क्रिकेट खेळणाऱ्या शशांक सिंग याचे नाव उच्चारल्यानंतर पंजाब किंग्ज व्यवस्थापनाने त्याच्यासाठी दावा केला आणि पदरात पाडून घेतले. बोली प्रक्रिया पूर्ण झाली तेव्हा लक्षात आले, की शशांक सिंगला निवडताना चूक झालीय, पण नियमामुळे काहीच करता आले नाही. त्याच्या निवडीत गोंधळ उडाला, त्यावरून तो पंजाब किंग्जला नकोसा होता हे स्पष्ट झाले. नंतर पंजाब किंग्जने चुकीवर पांघरूण घालताना हाच शशांक सिंग संघात हवा असल्याची सारवासारव केली. असो! पण आता हा आक्रमक शैलीचा फलंदाज पंजाबमधील संघासाठी मॅचविनर ठरत आहे. फलंदाजीत हुकमी एक्का बनला आहे..तुफानी फलंदाजीकोलकत्यातील ऐतिहासिक ईडन गार्डन्सवर पंजाब किंग्जने कमाल करताना टी-२० क्रिकेट इतिहासातील उच्चांकी धावसंख्येचा यशस्वी पाठलाग केला. आंतरराष्ट्रीय सहकाऱ्यास तोलामोलाची साथ देताना शशांकनेही तुफानी फटकेबाजी केली. अवघ्या २८ चेंडूंत २ चौकार व तब्बल ८ षटकार खेचताना त्याने प्रेक्षणीय नाबाद ६८ धावा २४२.८६च्या वादळी स्ट्राईक रेटने नोंदविल्या. पंजाब किंग्जसाठी शशांकने अशाप्रकारची झंझावाती विजयी खेळी करण्याची ही काही पहिलीच वेळ नव्हती. अहमदाबादच्या प्रचंड आकारमानाच्या नरेंद्र मोदी स्टेडियमवर त्याने गुजरात टायटन्सच्या गोलंदाजांना सळो की पळो करून सोडले होते. २९ चेंडूंत ६ चौकार व ४ षटकारांच्या मदतीने आणि २१०.३४च्या स्ट्राईक रेटने नाबाद ६१ धावा करून शशांकने पंजाबला विजयी केले होते. प्रसिद्धीत न्हाऊन जाण्याची त्याची ती पहिलीच वेळ होती. आता त्याचा आत्मविश्वास कमालीचा उंचावला आहे..अखेर आयपीएलमध्ये स्थिरावलाघणाघाती फलंदाजी करणाऱ्या शशांक सिंगचा आयपीएलमध्ये २०१७पासून वावर आहे, परंतु त्याचे अस्तित्व कधीच जाणवले नाही. २०१७मध्ये दिल्लीतील संघात, २०१९ व २०२०मध्ये राजस्थान रॉयल्स संघात तो होता. २०२१मध्ये त्याच्यासाठी कोणताच संघ आग्रही नव्हता. २०२२मध्ये सनरायझर्स हैदराबादने त्याला संघात घेतले, पण नंतर विशेष प्रभाव पाडू न शकल्यामुळे करारमुक्त केले. २०२४मधील आयपीएलच्या लिलावात तो नजरचुकीने पंजाब किंग्ज संघात आला आणि आता चांगलाच स्थिरावल्याचे दिसून येते. त्याने वयाची तिशी पार केलेली आहे, त्यामुळे तसा उशीरच झालेला आहे. तरीही टी-२० क्रिकेटमध्ये वय आणि फटकेबाज फलंदाजी यांचा काहीएक संबंध नाही हे यंदा ४२ वर्षीय महेंद्रसिंह धोनी, ३८ वर्षीय दिनेश कार्तिक यांनी सिद्ध केले आहे. मागील काही वर्षे आयपीएलमध्ये वाट चुकलेल्या वाटसरूप्रमाणे संधी शोधत राहिलेल्या शशांकच्या आक्रमक शैलीतील गुणवत्तेचे आता सोने झाले. नाकारल्याच्या भावनेने शशांक मानसिकदृष्ट्या कणखर बनला. आपली क्षमता सिद्ध करण्याच्या ध्येयाने पछाडल्यामुळे तो गोलंदाजांसाठी कर्दनकाळ ठरला आहे.(लेखक सकाळ माध्यम समूहाच्या दै. गोमन्तकचे क्रीडा वार्ताहर आहेत.)-------------------.मानवाचा इतिहास आतापर्यंत निसर्ग आणि स्वभावाशी निगडित पण 'उत्तर मानव' प्रवास कसा असेल? .ब्रेक घ्या, डोकं चालवा, कोडे सोडवा!Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.