बॉर्डर गावस्कर ट्रॉफी स्पर्धेसाठी भारतीय संघाला दुसऱ्या कसोटीत ऑस्ट्रेलियाकडून दारूण पराभव पत्करावा लागला. भारताच्या जलदगती गोलंदाजीचा भार जसप्रीत बुमराह एकटा उचलताना दिसतोय आणि त्यामुळे मोहम्मद शमीला लवकरात लवकर ऑस्ट्रेलियात बोलावण्याची मागणी होताना दिसतेय. पण, शमीला BCCI च्या राष्ट्रीय क्रिकेट अकादमीच्या ( NCA) स्पोर्ट्स सायन्स विभागाकडून तंदुरुस्तीचे प्रमाणपत्र मागच्या आठवड्यापर्यंत दिले गेले नव्हते. स्पोर्ट्स सायन्स विभाग हा खेळाडूच्या दुखापतीच्या उपचारापासून तो खेळाडू पूर्णपणे तंदुरुस्त होत नाही, यावर काम करतो. पण, त्याचं काम एवढंच नाहीए.. भारतातील खेळाच्या वाढत्या लोकप्रियतेसोबत करियरच्या अनेक संधी निर्माण झाल्यात आणि त्यापैकी Sports Science ही नवीन संधी युवकांसमोर उभी आहे.