Strait of Hormuz
esakal
सामुद्रधुनी ही बहुतेकवेळा अत्यंत ताणतणावाच्या क्षेत्राचे किंवा उच्च संघर्षाचे क्षेत्र असते. मलाक्काच्या सामुद्रधुनीतील चाचेगिरी किंवा ‘बाब-अल-मंदेब’मधील प्रादेशिक, अनियमितपणे चालणारी युद्धे ही सामुद्रधुनींच्या याच वैशिष्ट्याची उदाहरणेे आहेत.
पृ थ्वीवरील महासागरांच्या सीमावर्ती भागांत तयार होणाऱ्या लहान-लहान प्रदेशांना समुद्र), आखात), सामुद्रधुनी, उपसागर अशा संज्ञांनी ओळखले जाते. हे सगळे सीमावर्ती सागरी प्रदेश २६ लाख ते सात कोटी वर्षांपूर्वी भूमिखंडांच्या तुटण्यामुळे तयार झाले. यातील प्रामुख्याने सामुद्रधुनींचे भौगोलिक स्थान जागतिक भूराजनीतीचा पायाभूत घटक म्हणून काम करते. दोन मोठ्या जलाशयांना (उदा. समुद्र किंवा महासागर) जोडणाऱ्या नैसर्गिक आणि अरुंद जलमार्गाला ‘सामुद्रधुनी’ म्हटले जाते. यातून जहाजांची वाहतूक सहजपणे होऊ शकते.
