शैलेश नागवेकर
shailesh.nagvekar@esakal.com
गेली दोन वर्षे आणि आता आयपीएल सुरू होऊन जवळपास आठवडा झाला तरी सर्वाधिक चर्चा आहे ती इम्पॅक्ट खेळाडूची. ज्याच्या डोक्यातून ही सुपीक कल्पना आली त्याला सलामच करावा लागेल. प्रत्येक मोसमात काही तरी वेगवेगळे प्रयत्न करणे आणि त्यातून या लीगची लोकप्रियता सतत वाढत ठेवणे आणि प्रेक्षकांनाही काही तरी नवीन पाहायला देणे ही आयपीएलची गंमत आहे. पैसा आणि प्रसिद्धीचा वेलू तर कधीच गगनावरी गेलेला आहे; पण असे काही नवे बदल हा वेलू बहरत ठेवणारा आहे.
