Pension Options for Government Employees 2024
esakal
सुधाकर कुलकर्णी - saptrang@esakal.com
राज्य सरकारने नुकताच आपल्या कर्मचाऱ्यांसाठी सुधारित पेन्शन योजनेचा अर्थातच नव्या निवृत्तिवेतन योजनेचा आदेश काढला असून त्यानुसार आपल्या कर्मचाऱ्यांना सुधारित पेन्शन योजनेचा पर्याय देऊ केला आहे व तो ऐच्छिक असणार आहे. काय आहे हा पर्याय व यातील फायदे - तोटे काय आहेत हे आता आपण पाहू.
राज्य सरकारी कर्मचाऱ्यांसाठी केंद्राच्या धर्तीवर सरकारने सुधारित राष्ट्रीय निवृत्तिवेतन योजना (Revised NPS) जाहीर केली आहे, जी १ मार्च २०२४ पासून लागू करण्यात आली आहे. ही योजना केंद्र सरकारच्या कर्मचाऱ्यांना १ एप्रिल २०२५ पासून दिलेल्या युपीएस (युनिफाइड पेन्शन योजना) योजनेसारखी आहे मात्र अगदी तशीच नाही. या योजनेमुळे आता एनपीएस अंतर्गत असलेल्या कर्मचाऱ्यांना जुन्या पेन्शन योजनेप्रमाणे (ओपीएस) निश्चित पेन्शनची हमी मिळणार आहे.
