पुणे महापालिकेच्या शाळांना नव्या वर्षात १२८ सुट्या 

सकाळ वृत्तसेवा
बुधवार, 15 जानेवारी 2020

पुणे महापालिकेच्या शाळांसह सर्व शाळांची घंटा या वर्षात केवळ २३७ दिवसच वाजणार आहे. कारण १२८ सुट्या असणार असून, त्यात सण व उत्सवांसाठीच्या ३१ सुट्यांचा समावेश आहे. 

पुणे - पुणे महापालिकेच्या शाळांसह सर्व शाळांची घंटा या वर्षात केवळ २३७ दिवसच वाजणार आहे. कारण १२८ सुट्या असणार असून, त्यात सण व उत्सवांसाठीच्या ३१ सुट्यांचा समावेश आहे.  पुणे महापालिकेच्या शिक्षण विभागाच्या अधिकारी मीनाक्षी राऊत यांनी २०२० मधील सुट्यांचे नियोजन केले असून, त्याबाबत सोमवारी परिपत्रक काढले.

ताज्या बातम्यांसाठी डाऊनलोड करा ई-सकाळचे ऍप

शहरातील महापालिका, अनुदानित, विनाअनुदानित, स्वयंअर्थसहाय्यीत प्राथमिक व माध्यमिक शाळांना हे आदेश लागू असतील. वर्षभरातील ३६५ दिवसांपैकी २३७ दिवस शाळांचे कामकाज चालणार आहे. उर्वरित १२८ दिवस शाळा बंद असतील. सुटी ३० एप्रिल ते १३ जून; तर शिक्षकांसाठी ८ मे ते १३ जून या कालावधीत राहतील. दिवाळी सुट्या ९ ते २१ नोव्हेंबर या कालावधीत राहणार आहेत.

मराठी शाळांप्रमाणेच इंग्रजी माध्यमाच्या शाळांना या सुट्या लागू राहणार आहेत. खासगी शाळांना याऐवजी इतर सुट्यांचे नियोजन करावयाचे असल्यास त्यांनी संबंधित विभागाच्या अधिकाऱ्यांच्या शिफारशीसह पालिकेची मान्यता घेणे अनिवार्य आहे. परवानगी न घेता अन्य दिवशी सुटी घेतल्यास संबंधित शाळेच्या मुख्याध्यापकांवर कारवाई केली जाईल, असे आदेशात नमूद करण्यात आले आहे. दरम्यान, अधिक माहितीसाठी राऊत यांच्याशी संपर्क साधला असता, होऊ शकला नाही.


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: 128 holidays to Pune Municipal School