सासवड (पुणे) : पुरंदर तालुक्यातील कोरोनाच्या संसर्गाची गती वाढत आहे. तालुक्यात आज कोरोनाचे 31 रुग्ण सापडले. त्यामुळे तालुक्यातील कोरोनाबाधितांची संख्या 356 झाली आहे. तसेच, आज सासवड शहरात 19 रुग्ण आढळले. त्यामुळे शहरातीली कोरोनाबाधितांची संख्या द्विशतक पार करून 210 झाली आहे.
आज सासवडच्या 19 रुग्णांसह सोनोरी, परिंचे व पिसर्वे प्रत्येकी दोन, जेजुरी, भिवडी, आंबोडी, रानमळा, ताथेवाडी, नारायणपूर प्रत्येकी एक, असे एकूण 31 रुग्ण आढळून आले. आजच्या सासवडच्या रुग्णात एका महिला डाॅक्टरचा समावेश आहे. त्यामुळे आतापर्यंत तीन डाॅक्टर व एक तपासणी सेवक बाधीत झाले आहेत. सासवडल लाॅकडाउन थोडा शिथिल आहे आणि पूर्ण उठवला तर काय होईल, असा प्रश्न उपस्थित झाला आहे.
पुरंदर तालुक्यात अल्पावधीतच 12 कोरोनाबाधितांचे मृत्यू झाले आहे. त्यातील सासवडचे चार मृत्यू मात्र विचार करायला लावणारे आहेत. रुग्ण संपर्कातील जेवढे रुग्ण आढळून येतात, तेवढेच रोज नवीन रुग्ण आढळून येताहेत. त्यामुळे कोरोनामुक्तीसाठी संसर्ग साखळी तोडणे शक्य होईना.
पुरंदर तालुक्याचे मुख्यालय सासवड शहर आहे. येथे निम्मे सासवडकर व तालुक्याच्या ग्रामीणमधील लोक निम्मे आहेत. नोकरी, धंद्यानिमित्त जा- ये करणारे व फिरून काम करणारे येथे अधिक आहेत. त्यामुळे येथील कोरोनाची साखळी तोडण्यास सूक्ष्म उपाययोजना राबविणे गरजेचे आहे, हे स्पष्ट होत आहे. त्यादृष्टीने प्रशासकीय तयारी अपेक्षित आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.