ठाकर समाजातील रानपाखराने चिमणीच्या प्रकाशात उजळवला ज्ञानाचा दिवा

महाळुंगे पडवळ (पुणे) : आंबेगाव तालुक्यातील कळंब येथील आदिवासी ठाकर समाजातील आरती अनिल दुधाणे या विद्यार्थिनीने दहावी परीक्षेत ८९.४० टक्के गुण मिळविले आहेत. अत्यंत प्रतिकूल परिस्थितीत चिमणीच्या प्रकाशात तिने जिद्दीने अभ्यास केला. आई व वडील दोघे निरक्षर असूनही तीने हे यश मिळविले. तीच्या या यशाचे पंचक्रोशीतील नागरिकांनी कौतुक केले आहे.

आॅनलाइनचा नवा फिटनेस फंडा
      
लौकी प्राथमिक शाळेतील शिक्षक, पालक व ग्रामस्थांनी ठाकरवस्तीतील मुलांना शिक्षणाच्या प्रवाहात आणण्यासाठी सर्वतोपरी प्रयत्न केले. त्यासाठी सुधीर चिखले, विद्या वाघ, बबन सानप, गुलाब थोरात, मनोज बोरा आदी शिक्षकांनी ठाकरवस्तीवर जाऊन पालकांचे समुपदेशन केले. त्यानंतर आरतीसह ३५ हून अधिक मुलांनी लौकी शाळेत प्रवेश घेतला. उपयुक्त शैक्षणिक साहित्य पुरवठा व सुवर्ण महोत्सवी शिष्यवृत्तीमुळे गळती-स्थगिती थांबल्याने मुले व मुली शिक्षणात स्थिरावली. 

पुण्यात रेल्वेे, विमान, रिक्षा, कॅबला परवानगी, पण पीएमपीला

आरती हिने इयत्ता आठवीमध्ये कळंब येथील कमलजादेवी विद्यालयात प्रवेश घेतला. तीने इयत्ता दहावीच्या परीक्षेत ८९.४० टक्के गुण मिळवले. कमलजादेवी विद्यालयाच्या मुख्याध्यापक पौर्णिमा चव्हाण, वर्गशिक्षक एस. एम. खोडगे, राजू आडे या शिक्षकांचे तीला मार्गदर्शन मिळाले. ज्ञानलक्ष्मी राष्ट्रीय विकास प्रतिष्ठानच्या अध्यक्षा मनीषा कानडे व साने गुरुजी कथामाला पुणे जिल्हा समितीचे अध्यक्ष बाळासाहेब कानडे यांनी आरती हिचा घरी जाऊन सन्मान केला. 

यंदा डाळिंबाचा नाद करायचा नाय

कानडे म्हणाले की, ‘‘आरतीने प्रतिकूल परिस्थितीवर मात करून दहावीच्या परीक्षेत नेत्रदीपक कामगिरी केली. या पुढील शिक्षणासाठी तिला सर्वतोपरी सहकार्य केले जाईल.’’