खडकवासला धरण साखळीत सुमारे २८ टक्के पाणीसाठा

खडकवासला : खडकवासला साखळीतील चार धरणात मिळून आज गुरुवार दिनांक २४ जून २०२१ रोजी सकाळी सहा वाजता एकूण ८.११ टीएमसी म्हणजे २७.८३ टक्के पाणीसाठा जमा झाला आहे. असे खडकवासला पाटबंधारे विभागाचे कार्यकारी अधिकारी विजय पाटील यांनी सांगितले.

मागील वर्षीपेक्षा यंदा जास्त पाणीसाठा

मागील वर्षी आजच्या दिवशी चार ही धरणात मिळून ५.७२ टीएमसी म्हणजे १९.६३ टक्के पाणीसाठा जमा होता. यंदा तो ८.११ टीएमसी म्हणजे २७.८३ टक्के पाणीसाठा जमा झाला आहे. म्हणजे मागील वर्षी पेक्षा २.३९० टीएमसी म्हणजे ८.२ टक्के जास्त पाणीसाठा जास्त जमा आहे.

टेमघरला येवा सुरु

चार ही धरणात बुधवारी दि.१६ जून रोजी धरणाच्या पाणीसाठ्यात वाढ होण्यास सुरवात झाली. चार ही धरणात मिळून ६.६२ टीएमसी यंदाचा सर्वात कमी पाणीसाठा शिल्लक होता. आज अखेर तो ८.११ टीएमसी म्हणजे झाला आहे. म्हणजे सात दिवस आज अखेर १.४९० टीएमसीने पाणीसाठा वाढला आहे. पानशेत, वरसगाव व टेमघर मध्ये अनुक्रमे ७९, ५१ व १६ क्यूसेकने येवा जमा होत आहे.

बुधवारी संध्याकाळी झाला पाऊस

बुधवारी सकाळी सहा वाजल्यापासून संध्याकाळी पाच वाजेपर्यंत खडकवासला टेमघर येथे पाऊसच पडला नाही. पानशेत, वरसगाव येथे अवघा एक- एक मिलिमीटर पाऊस झाला होता. असे असले तरी बुधवारी संध्याकाळी पाच नंतर पाऊस वाढला. गुरुवार पहाटे सहा वाजे पर्यत खडकवासला २, टेमघर येथे १५, पानशेत, वरसगाव येथे प्रत्येकी ८ तर दासवे लवासा ३८ मिलिमीटर पडला आहे. शनिवार पासून खडकवासला साखळीतील पावसाचा जोर फार कमी झाला. परिणामी धरणाच्या पाणी साठ्यातील वाढ देखील हळूहळू होत आहे.

गुरूवारी सकाळी सहा वाजता चार ही धरणातील पाणी साठ्याची स्थिती :

धरणाचे नाव- एकूण क्षमता टीएमसी / उपयुक्त साठा टीएमसी / टक्केवारी

खडकवासला- १.९७ / १.१३ / ५७.४७ %

पानशेत- १०.६५ / ३.८६ / ३६.२८ %

वरसगाव- १२.८२ / २.५९ / २०.२५ %

टेमघर- ३.७१ / ०.५२ / १३.९७ %

चार धरणात एकूण- २९.१५ / ८.११ / २७.८३%