पुणे : गडचिरोमध्ये पोलिस उपनिरीक्षकाच्या बहिणीचा खून करुन पसार झालेल्या आरोपीस शिवाजीनगर पोलिसांनी अटक केली. नरवीर तानाजीवाडी परिसरात ही कारवाई करण्यात आली..विशाल ईश्वर वाळके (वय ४०, रा. सुयोगनगर, नवेगाव, गडचिरोली) असे अटक केलेल्या आरोपीचे नाव आहे. तर, कल्पना केशव उंदिरवाडे (वय ६४, रा कल्पना विहार, सुयोगनगर, नवेगाव, जि.गडचिरोली) असे खुन झालेल्या महिलेचे नाव आहे. याप्रकरणी पोलिस उपनिरीक्षक मोहन काशीनाथ सोनकुसरे (वय ५७, रा. इंदिरानगर, लांझेडा,जि. गडचिरोली) यांनी गडचिरोली पोलिस ठाण्यात फिर्याद दिली होती..पोलिसांनी दिलेल्या माहितीनुसार, मोहन सोनकुसरे हे गडचिरोली पोलिस मुख्यालयात कार्यरत आहेत. त्यांची मोठी बहीण कल्पना उंदिरवाडे या गडचिरोली जिल्हा परिषदेत कक्ष अधिकारी होत्या. त्या २०१८ मध्ये निवृत्त झाल्या होत्या. त्यांच्या पतीचे २२ मध्ये निधन झाले होते. कल्पना उंदिरवाडे या त्यांचा मुलगा उत्कल (वय २५ याच्यासोबत सुयोगनगर परिसरात राहत होत्या. 13 एप्रिल रोजी कल्पना यांचे भाऊ व फिर्यादी पोलिस उपनिरीक्षक मोहन सोनकुसरे गडचिरोली पोलिस मुख्यालयात निघाले होते. दरम्यान, त्या दिवशी उत्कल हा परीक्षेसाठी बाहेरगावी गेला होता. त्याचवेळी सोनकुसरे यांना त्यांची बहिण शयनगृहात रक्ताच्या थारोळ्यात पडल्याची माहिती त्यांना मिळाली. .त्यांच्या डोक्यात तीक्ष्ण शस्त्राने वार करून खुन केल्याचे पोलिसांच्या तपासात उघड झाले.गडचिरोली पोलिसांनी कल्पना यांच्याकडे भाडेकरु असलेल्या आरोपी विशाल वाळके यास चौकशीसाठी ताब्यात घेतले. चौकशी केल्यानंतर त्याल सोडून देण्यात आले, तसेच पुन्हा चौकशीसाठी येण्यास सांगण्यात आले. मात्र विशाल पुन्हा चौकशीसाठी उपस्थित राहीला नाही. पोलिसांनी या घटनेची सखोल चौकशी केली, त्यावेळी विशाल हा घटनेच्या आगोदरच्या दिवशी कल्पना यांच्या घरी आला होता. रात्री उशीरापर्यंत तो त्यांच्या घरी होता. .त्याने कल्पना यांच्या मोबाइल क्रमांकावरुन काही व्यवहार केल्याची तसेच त्यांचा खुन त्यानेच केल्याची माहिती मिळाली. त्यानुसार पोलिसांनी त्याचा शोध सुरू केला, तेव्हा तो पुण्याला पसार झाल्याचे पोलिसांना समजले. गडचिरोली पोलिसांनी याबाबत शिवाजीनगर पोलिसांना खबर दिली. त्यानंतर शिवाजीनगर पोलिसांनी आरोपीला नरवीर तानाजी वाडी परिसरातुन ताब्यात घेतले. गडचिरोली पोलिस दलाचे अधिकारी पुण्यात दाखल झाल्यानंतर शिवाजीनगर पोलिसांनी आरोपीला त्यांच्या ताब्यात दिले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.