Pune | कृषी उत्पन्न बाजार समित्यांच्या निवडणूका दिवाळीनंतर | Sakal
sakal

बोलून बातमी शोधा

election

Pune | कृषी उत्पन्न बाजार समित्यांच्या निवडणूका दिवाळीनंतर

पुणे : दिवाळीची आतषबाजी संपल्यानंतर पुणे जिल्ह्यातील सहा कृषी उत्पन्न बाजार समित्यांच्या निवडणुकांचा धडाका सुरू होणार आहे. खेड, जुन्नर, मंचर, नीरा, भोर आणि मावळ या बाजार समित्यांचा समावेश आहे. या निवडणुकीसाठी मतदार असलेल्या विकास सोसायट्या आणि ग्रामपंचायत सदस्यांच्या याद्या तयार करण्याचे काम सहकार विभागाकडून सुरू आहे.

हेही वाचा: आदित्यजी 'या' गोष्टींवर पैसे वाया घालवू नका; मराठी अभिनेत्यानं टोचले कान

खेड, जुन्नर, मंचर, नीरा आणि भोर या पाच बाजार समित्यांची मुदत ऑक्टोबर २०२० मध्ये संपलेली आहे. तर मावळ बाजार समितीवर १० ऑक्टोंबर २०१५ पासून प्रशासक आहे. या सहाही बाजार समित्यांच्या निवडणुका घेणार असल्याचे सहकार खात्याकडून सांगितले. तर इंदापूर, शिरूर, बारामती आणि दौंड या बाजार समित्यांची मुदत अद्याप संपुष्टात आलेली नाही. मुळशी बाजार समितीवर सध्या अशासकीय प्रशासक मंडळ आहे. पुणे बाजार समितीच्या संचालक मंडळाची मुदत २७ जुलै २००३ रोजी संपुष्टात आली आहे. या समितीवरही प्रशासक, प्रशासकीय मंडळ आहे. या बाबत न्यायालयात याचिका प्रलंबित असून त्यावरील आदेशानंतर निवडणूक होईल असे सांगण्यात येत आहे.

हेही वाचा: निवडणुकांसाठी शिवसेना 4 जागांवर अडून; लवकरच होणार अंतिम निर्णय

मध्यंतरी कोरोनाच्या पार्श्वभूमीवर या समित्यांची निवडणूक २३ ऑक्टोबर २०२१ पर्यंत पुढे ढकलली होती. त्यावरील स्थगिती उठल्याने राज्य सहकारी निवडणूक प्राधिकरणाने बाजार समित्यांच्या निवडणुकांचा संभाव्य कार्यक्रम जाहीर केला आहे. या संदर्भात जिल्हा उपनिबंधक मिलिंद सोबोले म्हणाले, ‘‘राज्य सहकारी निवडणूक प्राधिकरणाच्या आदेशानुसार खेड, जुन्नर, मंचर, नीरा, भोर आणि मावळ बाजार समित्यांच्या निवडणुकांची प्रक्रिया सुरू केली आहे. त्यासाठी संबंधित तालुक्याच्या सहायक निबंधकांकडून विकास सोसायट्या आणि गट विकास अधिकाऱ्यांकडून ग्रामपंचायत सदस्यांच्या याद्या मागविल्या आहेत.

Web Title: After Diwali Pune District Six Agricultural Market Committees Election

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top