पुण्यातील विमान वाहतूक सेवेबाबत महत्त्वाची बातमी...

पुणे : निसर्ग वादळ आणि मुसळधार पाऊस यामुळे विस्कळीत झालेली विमानसेवा गुरुवारी सकाळी लख्ख सूर्यप्रकाशात पूर्ववत झाली. मध्यरात्रीपासून सकाळपर्यंतची विमानांची चार उड्ड़ाणे सुरळीत पार पडली. 

ताज्या बातम्यांसाठी डाऊनलोड करा ई-सकाळचे ऍप

निसर्ग वादळामुळे लोहगाव विमानतळावरील विमानसेवा बुधवारी विस्कळीत झाली होती. मुसळधार पावसामुळे आणि दृश्यमानता कमी झाल्यामुळे पुण्याकडे येणारी सहा उड्डाणे अन्यत्र वळविण्यात आली होती. दिल्ली- पुणे हैदराबादकडे, हैदराबाद- पुणे, बंगळुरू- पुणे या दोन्ही विमानांचे उड्डाण झाल्यावर ती पुन्हा माघारी वळविण्यात आली. तर जयपूर- पुणे सुरतकडे वळविण्यात आले.

पुण्याच्या बातम्या वाचण्यासाठी येथे ► क्लिक करा

तसेच नागपूर- पुणे मार्गावरील एक उड्ड़ाण रद्द झाले होते. बुधवारी दिवसभरात लोहगाव विमानतळावरून 15 विमानांची उड्डाणे झाली. त्यात 9 विमानांद्वारे 1296 प्रवासी रवाना झाले तर, 6 उड्डाणांद्वारे 331 प्रवासी पुण्यात आले, अशी माहिती लोहगाव विमानतळ संचालक कुलदीपसिंग यांनी दिली. या पार्श्वभूमीवर गुरुवारी पहाटेपासून पाऊस एकदम कमी झाला होता. त्यामुळे विमानसेवा सुरळीत झाली. गुरुवारी पहाटेपासून सकाळपर्यंतची विमानसेवा सुरळीत असल्याची माहिती कुलदीपसिंग यांनी दिली. 

पुण्याच्या बातम्या वाचण्यासाठी येथे ► क्लिक करा

कोरोनामुळे लॉकडाउन झाल्यावर देशातील विमानसेवा 25 मार्चपासून बंद होती. देशीतील विविध शहरांत अडकलेल्या प्रवाशांची मोठी संख्या लक्षात घेऊन  केंद्र आणि राज्य सरकारने 25 एप्रिलपासून देशातील 8 शहरांसाठी विमानसेवा सुरू करण्याची परवानगी दिली आहे. त्यानुसार लोहगाव विमातळ प्रशासनाने विमानाच्या 34 उड्डाणांची तयारी केली आहे. तसेच भारतीय विमानतळ प्राधिकरणाने दिल्ली, बंगळुरू, कोलकत्ता, चेन्नई, हैदराबाद, अहमदाबाद, जयपूर, कोचीन या मार्गांवरील विमान वाहतूक पुण्यापासून सुरू करण्यास विमान कंपन्यांना सांगिते आहे.

पुण्याच्या बातम्या वाचण्यासाठी येथे ► क्लिक करा

प्रवासी जाताना आणि येताना विमानतळ प्रशासनाने निर्जतुंकीकरणासाठी पूर्ण व्यवस्था केली होती. मास्क परिधान केलेल्या प्रवाशांनाच विमानतळावर प्रवेश देण्यात येत होता, असेही कुलदीपसिंग यांनी नमूद केले. तसेच रांगेत उभे न राहता प्रवाशांना बोर्डिंग पास देण्यात येत होता. सिक्युरिटी चेक इन एरियामध्येही प्रवाशांच्या सोशल डिस्टन्सिंगवर पूर्णपणे लक्ष देण्यात येत होते, असेही त्यांनी नमूद केले. 

पुण्याच्या बातम्या वाचण्यासाठी येथे ► क्लिक करा

विमानतळावरून उतरलेल्या प्रवाशांना घरी जाण्यासाठी सिटी ग्लाईड ऑटोतर्फे रिक्षा उपलब्ध करून देण्यात आल्या होत्या. त्यासाठी 9859198591 हा मोबाईल क्रमांक उपलब्ध करून देण्यात आला आहे. गेल्या नऊ दिवसांत या रिक्षा सेवेचा सुमारे 10 हजारांहून अधिक प्रवाशांनी लाभ घेतला आहे. घरापासून विमानतळापर्यंत मीटरने जेवढे भाडे होईल, त्यापेक्षा दुप्पट दर आकारून ही रिक्षासेवा सध्या सुरू आहे.

पुण्याच्या बातम्या वाचण्यासाठी येथे ► क्लिक करा

प्रवाशाने मागणी केल्यावर त्याला हव्या असलेल्या ठिकाणी आणि त्याच्या सोयीनुसार रिक्षा येत आहे. प्रवाशाला ज्या ठिकाणी सोडायचे आहे, तेथून परताना रिक्षाचालकाला दुप्पट भाडे मिळत नसल्यामुळे दुप्पट दर आकारला जात आहे, अशी माहिती सिटी ग्लाईडचे मुख्य कार्यकारी अधिकारी राहुल शितोळे यांनी दिली.