Ashadhi Wari 2025 : आषाढी वारीला सुरुवात झाली असून संत ज्ञानेश्वर महाराज आणि संत तुकाराम महाराज यांच्या पालख्या पंढरपूरच्या दिशेने निघाल्या आहेत. सोबत हजारोंच्या संख्येने वैष्णवांचा मेळा सुद्धा आहे. ऊन, वारा पाऊस कशाची ही काळजी न करता विठू नामाचा गजर करत वारकरी विठोबाच्या दर्शनासाठी निघाले आहेत.
अशाच हजारोंच्या वारकऱ्यांमध्ये एक वारकरी असा आहे ज्याला पाय नाहीत पण या गोष्टीची खंत न बाळगता मनात फक्त भक्तिभाव आणि प्रबळ इच्छा शक्तीच्या जोरावर तो पंढरपूरच्या दिशेने निघाला आहे. या वारकऱ्याचा व्हिडिओ सध्या सोशल मीडियावर मोठ्या प्रमाणावर व्हायरल झाला आहे. त्याची सर्वत्र चर्चा देखील आहे.
