कोथरूड (पुणे) : शास्त्रीनगर येथील सागर कॉलनीतील रस्ता बाधितांना महापालिकेने 99 वर्षांच्या भाडे तत्त्वावर कोथरूड क्षेत्रीय कार्यालयाजवळ असलेल्या ऋतुरंग "डी' या इमारतीत निवासाची व्यवस्था केली आहे. मात्र, दोन वर्षांपासून रहिवाशांच्या घरात सांडपाण्याची गळती होत आहे.
ऋतुरंग "डी' मध्ये 72 कुटुंब सहा वर्षांपासून राहत आहेत. 2018 पासून या इमारतीत सांडपाणी वाहिन्यांमधून दूषित पाण्याची गळती होत आहे. त्यामुळे रहिवाशांच्या घरात बाराही महिने घाण पाण्याची तळी साचत आहेत. भिंतींना ओलदेखील आली आहे तर, मोठा पाऊस झाला की काही घरांमधील फरशांमधूनही पाणी येत असल्याचे रहिवाशांनी सांगितले. दोन वर्षांपासून येथील रहिवासी इमारतीच्या दुरुस्तीची मागणी करीत आहेत. मात्र, प्रशासनाकडून अद्याप दखल घेण्यात आलेली नाही.
महेश श्रोत्री (वय 50) म्हणाले, ""चारही बाजूने वाहिन्या गळत आहेत. भिंतीला ओल आल्याने इमारतीमधील लोकांना बुरशीजन्य आजार होत आहेत. तसेच, स्लॅब गंजून इमारतीला धोका निर्माण झाला आहे. डासांचा प्रादुर्भाव वाढला आहे. लोकप्रतिनिधी आणि अधिकाऱ्यांना कळवले परंतु दुरुस्ती झाली नाही.'' तर नितीन गायकवाड (वय 35) म्हणाले, या इमारतीची वीज जोडणी, अग्निशमन, पाइपलाइन, फरशी आदी सर्व कामे चुकीची झाली आहेत. प्रशासन आमची मदत करणार नसेल तर आम्ही आमच्या जागेत रहायला पुन्हा तयार आहोत.
या इमारतीची पाहणी करण्यासाठी महापालिका अभियंत्याला पाठवले जाईल. त्यानंतर दुरुस्तीसंदर्भात आवश्‍यक तो निर्णय घेण्यात येईल.
- नितीन उदास, उप आयुक्त (झोपडपट्टी), मालमत्ता आणि व्यवस्थापन
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.