- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
पुणे : सलून व्यावसायिकांना कोरोनाचा मोठा फटका बसला आहे. अनेक जण यामुळे आर्थिक संकटात सापडले आहेत. सरकार त्यांच्या मागण्यांना दाद द्यायला तयार नाही, त्यामुळे आता राज्यातील सलून व्यावसायिकांनी आंदोलनाचा इशारा दिला आहे.
दरम्यान, तात्काळ अर्थिक मदत द्यावी व व्यवसाय सुरू करण्यास परवानगी द्यावी अशी मागणी करण्यात आली आहे. येत्या तीन दिवसांत केलेल्या मागण्या मान्य न झाल्यास संपूर्ण महाराष्ट्रात सलून व्यावसायिक रस्त्यावर येऊन संसार थाटून आंदोलन करतील. असा इशारा समाजाच्या नेत्यांनी दिला आहे.
तसेच पुन्हा एकदा महाराष्ट्रात भंडारा शहरात अंगावर राॅकेल ओतून सलून व्यावसायिकाने आत्मदहनाचा प्रयत्न केला आहे. गेल्या आठ दिवसांत कवंटेमहाकाळ, चंद्रपुर, आता भंडारा यामध्ये एक आत्महत्या दोन आत्महत्येचे प्रयत्न झाले आहेत. सरकार सलून व्यावसायिकांचा अजून किती अंत पाहणार व अजून किती बळी घेणार असा सवाल समाज विचारत आहे. सरकार ऐकून बहिरे आणि पाहून आंधळे असल्याचे सोंग का घेते आहे असे समाजातील नेते वाचारत आहेत.
नाभिक समाज नेते सोमनाथ काशिद याबाबत आक्रमक झाले आहेत. ते म्हणाले, ''गेली तीन महिने झाले सलून व्यावसायिक अर्थिक संकटात आहेत. सलून व्यावसायाला अजून परवानगी दिली गेली नाही. त्यामुळे सलून व्यावसायिकांचे घर खर्च भागवणे मुश्किल झाले आहे. त्यामध्ये तीन महिन्यांचे दुकान भाडे व लाईट बिलाचा बोजा वाढला आहे. यामुळे मानसिक व अर्थिक संतुलन बिघडले आहे. त्यामुळे सलून व्यावसायिकांनी आता टोकाची भूमिका घ्यायला सुरवात केली आहे. 90% सलून दुकाने ही भाडेतत्वावर आहेत. लाॅकडाउन शिथील झाला असला तरी सलून व्यावसाय बंद आहेत. भाडे थकले असल्यामुळे दुकान मालकांनी दुकान बंद करून फर्नीचर काढायला भाग पाडले आहे. त्यामुळे सलून व्यावसायिक रस्त्यावर आले आहेत.''
ते पुढे म्हणाले, राज्य सरकारने सलून दुकानदारास त्वरीत 1 लाख रुपये अर्थिक मदत देऊन सहा महिन्यांचे दुकान भाडे व लाईट बिल माफ करावे व सलून व्यावसायास सशर्त परवानगी द्यावी तसा आदेश राज्य सरकारने काढावा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.