पुणे : पोटनिवडणूकीत भाजपने उमेदवार बदलला; तर राष्ट्रवादीने...

BJP Changes Candidate in Malegaon Corporation Election
BJP Changes Candidate in Malegaon Corporation Election

तळेगाव दाभाडे (पुणे) : नगर परिषदेच्या पोटनिवडणुकीत राष्ट्रवादी कॉंग्रेसने घूमजाव करत पक्षाच्या चिन्हावर निवडणूक लढविण्याचा निर्णय बदलला, तर भाजपने ऐनवेळी जाहीर केलेला अधिकृत उमेदवार बदलल्याने उमेदवारी अर्ज दाखल करण्याचा अखेरचा दिवस राजकीय घडामोडींनी गाजला.

नगरसेवकपदासाठी पाच अर्ज दाखल झाले आहेत. माघारीनंतरच लढतीचे चित्र स्पष्ट होईल. शनिवारी (ता. 21) छाननी होऊन अंतिम उमेदवारांची यादी प्रसिद्ध होईल. शुक्रवारी (ता. 27) अर्जमाघारीसाठी मुदत असून, गुरुवारी (ता. 9) मतदान होईल. शुक्रवारी (ता. 10) मतमोजणी होईल. उमेदवारी दाखल करण्याच्या अखेरच्या दिवशी राजकीय घडामोडी पाहावयास मिळाल्या.

राष्ट्रवादीचे माजी मंत्री आणि आमदार थॉमस चंडी यांचे निधन

यापूर्वी पक्षाच्या चिन्हावर निवडणूक लढविण्याचा निर्णय करून राष्ट्रवादी कॉंग्रेसतर्फे संगीता शेळके यांनी शक्तिप्रदर्शन करीत अर्ज दाखल केला होता. मात्र पक्षाचा एबी फॉर्म अर्जासोबत जोडलेला नव्हता. यापूर्वी "राष्ट्रवादी'ने कॉंग्रेससोबत तळेगाव शहर सुधारणा व विकास समितीच्या माध्यमातून निवडणूक लढविलेली होती. त्यामुळे राष्ट्रवादी कॉंग्रेसने घूमजाव करत संगीता शेळके यांचा अपक्ष म्हणून उमेदवारी अर्ज दाखल केला.

धक्कादायक ! फडणवीस सरकारच्या एका वर्षात ६० हजार कोटींचा घोळ; कॅगचा ठपका

दुसरीकडे भाजपच्या वतीने चिराग खांडगे यांना उमेदवारी देण्याचा निर्णय झाला होता. मात्र, खांडगे उमेदवारी दाखल करण्यास आलेच नाहीत. अखेर कृष्णा म्हाळसकर यांचा उमेदवारी अर्ज दाखल करण्यात आला. बाहेरचा उमेदवार लादू नये, स्थानिक कार्यकर्त्याला संधी द्यावी, अशी मागणी असल्यामुळे उमेदवारी बदलल्याचे भाजपचे पदाधिकारी गिरीश खेर यांनी सांगितले. उमेदवारी अर्ज दाखल करण्यासाठी आवश्‍यक कागदपत्रांची पूर्तता न झाल्याने उमेदवारी बदलाचा निर्णय घेतला, अशी माहिती भाजपचे शहराध्यक्ष संतोष दाभाडे यांनी दिली.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com