भाजपचे आमदार जयकुमार गोरेही अजितदादांचे फॅन | Sakal
sakal

बोलून बातमी शोधा

BJP MLA Jayakumar Gore is also a fan of Ajit Pawar
भाजपचे आमदार जयकुमार गोरेही अजितदादांचे 'फॅन'

भाजपचे आमदार जयकुमार गोरेही अजितदादांचे 'फॅन'

बारामती : आमची राजकीय भूमिका काहीही असो पण मी अजितदादा पवार (Ajit Pawar) यांचा फॅन आहे....त्यांची कार्यशैली, धाडस, धडाडी यांचा विचार करता मी त्यांचा चाहता आहे हे जाहिरपणे सांगायला मला संकोच वाटत नाही, अशा शब्दात भाजपचे माण खटावचे आमदार जयकुमार गोरे (Jaykumar Bhagwanrao Gore) यांनी आज बारामतीत अजितदादांवर स्तुतीसुमने उधळली.

विशेष म्हणजे अजित पवारांच्या अनुपस्थितीत आणि राज्यमंत्री दत्तात्रय भरणे यांच्या समोर अगदी सहजतेने जयकुमार गोरे यांनी मोकळेपणाने ही कबूली दिल्याने आता नवीन राजकीय समीकरणे उदयास येतात का याची चर्चा सुरु झाली आहे. येथील डॉ. आशिष जळक व डॉ. प्रियांका जळक यांच्या चैतन्य मातृत्व योजनेचे उदघाटन अजित पवार यांनी केले. मात्र वेळेपूर्वी तासभर येत उदघाटन उरकून अजित पवार निघून गेले होते.

हेही वाचा: गर्दीही नको आणि कार्यक्रमही करायचाय; अजित पवार यांनी असा साधला समतोल

जयकुमार गोरे व दत्तात्रय भरणे चार वाजता कार्यक्रमस्थळी पोहोचले आणि आयोजकांनी त्यांनाही व्यासपीठावर येत बोलण्याचा आग्रह केला. जयकुमार गोरे यांनी अजितदादांच्या कार्यशैलीची प्रशंसा केली, राजकीय मते वेगळी असली तरी मी अजितदादांचा फॅन असल्याची कबूली देत मला हे जाहिरपणे कबूल करण्यास फार काही वाटत नाही अशीही पुस्ती त्यांनी जोडली. दादांकडे निर्णय घेण्याची धडाडी व धाडस आहे,ते स्पष्टवक्ते आहेत, त्या मुळे राजकारणापलिकडे जाऊन मी त्यांचा फॅन आहे असे गोरे म्हणाले.

हेही वाचा: १४ केंद्र, ३३ शाळा, महाविद्यालयातून लसीकरण; ऑनलाइन, ऑफलाईन नोंदणी

हाच धागा पकडत दत्तात्रय भरणे यांनी त्यांना लगेचच राष्ट्रवादीच्या प्रवेशाचीच ऑफर देऊन टाकली. थेट ऑफर दिलेली नसली तरी तुमचा विचार असेल तर आम्हीही त्याला प्रतिसाद देऊ असे ते म्हणाले. बारामतीकरांनी हात दिला तर काहीही होऊ शकतो आणि गोरे यांच्याकडे पाहत भरणे म्हणाले, चुकतो तोच माणूस असतो, तुम्ही हाडाचे कार्यकर्ते आहात, तुम्ही येणा-या काळात वेगळा विचार करा त्यांला चांगला विचार असे भरणे यांनी शब्द वापरले. बारामतीत झालेल्या या राजकीय धुरळ्याने आता पुन्हा काही राजकीय समीकरणे बदलतात का याकडे सर्वांचे लक्ष लागून राहिले आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top