Corona Virus : सामाजिक भान जपत पुणे जिल्ह्यातील महावितरणच्या कामगारांनी केले रक्तदान

पुणे : राज्यात असलेला रक्ताचा तुटवडा व मुख्यमंत्री आणि आरोग्य मंत्री यांनी केलेल्या आवाहनास प्रतिसाद देत भारतीय मजदूर संघाशी संलग्न असलेल्या महाराष्ट्र वीज कंत्राटी कामगार संघ व महाराष्ट्र वीज कामगार महासंघाच्यावतीने रक्तदान शिबिर आयोजित करण्यात आले.

बातम्या ऐकण्यासाठी डाऊनलोड करा ई-सकाळचे ऍप 

पुणे जिल्ह्यातील महावितरणच्या एकूण 24 कामगारांनी सामाजिक भान जपत रक्तदान केले. भारतीय मजदूर संघाचे प्रदेश अध्यक्ष चंद्रकांत धुमाळ ,कामगार महासंघाचे उपमहामंत्री विजय हिंगमीरे , तुकाराम डिंबळे, कंत्राटी कामगार संघाचे निलेश खरात , सचिन मेंगाळे, सागर पवार, राहुल बोडके, सुमित कांबळे प्रवीण पवार, पूना सिरॉलॉजिकल इन्स्टिट्यूट ब्लड बँकेचे चंद्रशेखर माने व अन्य सहकारी उपस्थित होते.

Coronavirus : भारतात कोरोनाग्रस्तांची संख्या १०००च्या पार; तर बळींचा आकडा...

राष्ट्रहित उद्योगहित व कामगारहित या त्रिसूत्री जोपासत भारतीय मजदूर संघ काम करत असतो, आज देशहितासाठी काही करण्याची वेळ आहे व आपण रक्तदान करू शकलो याचा आनंद रक्तदात्यांच्या चेहऱ्यावर स्पष्ट दिसत होता.