Delhi-Pune Flight: दिल्ली-पुणे विस्तारा विमान बॉम्बने उडवण्याची धमकी

दिल्ली विमानतळावर दिल्ली-पुणे विस्तारा विमानात बॉम्ब असल्याची धमकी देण्यात आली होती. विमानतळावर उतरल्यानंतर संपुर्ण विमानाची तपासणी करण्यात आली. सर्व प्रवाशांना त्यांच्या सामानासह सुखरूप विमानातून खाली उतरवण्यात आले. फ्लाइटमध्ये बॉम्ब असल्याबाबतचा कॉल आज जीएमआर कॉल सेंटरला आला होता.

दिल्ली विमानतळावरील दिल्ली – पुणे विमानात बॉम्ब असल्याची धमकी देण्यात आली. विस्तारा कंपनीच्या विमानात धमकी मिळाली असून विमानाची तपासणी सुरू करण्यात आली.

दरम्यान विमानात कोणतीही संशयास्पद वस्तू आढळली नाही. CISF आणि दिल्ली पोलिसांच्या वरिष्ठ अधिकाऱ्यांनी याला दुजोरा दिला आहे.

यासंदर्भात माहिती देताना CISF आणि दिल्ली पोलिसांनी सांगितले ती, विमानात कोणतीही संशयास्पद वस्तू आढळली नाही. विमानाची चौकशी पूर्ण झाली आहे. पुन्हा सर्व प्रवासी विमानात बसून थोड्याच वेळात विमान पुण्याकडे रवाना होणार आहे.