पुणे पोलिसांकडून अधिकाराचा गैरवापर, स्वत:ची चूक झाकण्यासाठी निरपराधाला खोट्या गुन्ह्यात अडकवलं; हायकोर्टानं फटकारलं

मुंबई, ता. २५: घरात जबरदस्तीने घुसणाऱ्या मानसिक रुग्णाला मारहाण आणि त्यातून त्याच्या मृत्यूप्रकरणी निवृत्त लष्करी अधिकाऱ्याविरोधातील दाखल गुन्हा उच्च न्यायालयाने नुकताच रद्द केला. हा गुन्हा बनावट असून, पोलिस अधिकाऱ्यांची निष्क्रियता आणि निष्काळजी पाठीशी घालण्यासाठी नोंद केल्याचा ठपकाही न्यायालयाने गुन्हा रद्द करताना ठेवला.