पुणे : राष्ट्रीय संरक्षण प्रबोधिनी (एनडीए) व नेव्हल अकादमी (एनए)मध्ये प्रवेश घेण्यासाठीची परीक्षा येत्या 6 सप्टेंबर रोजी घेण्यात येणार आहे. सामान्यत: या परीक्षा वर्षातून दोनदा घेण्यात येते. परंतु कोरोनामुळे एनडीएची पहिली परीक्षा पुढे ढकलण्यात आली होती. मात्र आता एनडीएच्या दोन्ही परीक्षा एकाच वेळी घेण्यात येणार आहेत.
मोठी बातमी : 'या' पाच प्रभागांतील निम्म्या पुणेकरांना कोरोनाची लागण; सर्व्हेतून पुढे आली माहिती!
केंद्रीय लोकसेवा आयोगाच्या (यूपीएससी) वतीने ही परीक्षा घेण्यात येते. एनडीएच्या दोन्ही परीक्षेसाठीचे प्रवेशपत्र नुकतेच यूपीएससीच्या अधिकृत संकेतस्थळावर जाहीर करण्यात आले असून ही परीक्षा एनडीएच्या 145 व्या आणि 146 व्या कोर्ससाठी तर नेव्हल अकादमीच्या 107 व्या आणि 108 व्या कोर्स साठी घेतली जाणार आहे.
- गणेशोत्सवात 'या' चार दिवशी ध्वनीवर्धक रात्री बारापर्यंत सुरू राहणार; पुणे पोलिसांनी केले जाहीर!
दरम्यान, ज्या उमेदवारांनी एनडीएच्या 145 व्या आणि नेव्हल अकादमीच्या 107 व्या प्रवेश परीक्षेसाठी अर्ज भरला होता आणि त्यांचे प्रवेशपत्र आले नाही त्यांनी सैन्यदलाच्या 'तांत्रिक प्रवेश योजने'साठी (टीईएस) अर्ज भरावा अशी सूचना सैन्य दलाच्या अधिकृत संकेतस्थळावर देण्यात आली आहे. टीईएस प्रवेश प्रक्रिया 12 वी उत्तीर्ण झालेल्या मुलांसाठी असून सध्या काही कारणांमुळे ज्या उमेदवारांचे प्रवेशपत्र आले नाही त्यांनी या योजनेसाठी अर्ज भरावा असे त्यात सांगण्यात आले आहे. याबाबत अधिक माहितीसाठी उमेदवारांनी www.joinindianarmy.nic.in या अधिकृत संकेतस्थळाचा वापर करावा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.