अन् मग पोरं कॉलेजात चक्क साडी नेसून आली, कारण...

पुणे : जानेवारी महिना आला की, कॉलेजमध्ये 'अॅन्युअल डे'चे वारे वाहू लागतात. डेज म्हणलं की तरूणाईत सळसळता उत्साह दिसतो. साडी डे, रोज डे, टाय डे, ट्रॅडिशनल डे, मिसमॅच डे असे अनेक डेज साजरे केले जाते. पण पुण्यातल्या फर्ग्युसन कॉलेजमध्ये वेगळेच चित्र दिसले... साडी डे होता, पण सगळेजण बघतच राहिले. 

ताज्या बातम्यांसाठी डाऊनलोड करा ई-सकाळचे ऍप

फर्ग्युसन कॉलेजमध्ये आज साडी डे आणि टाय डे होता. पण तुम्ही असे काही फोटो बघाल ज्याने तुम्ही चक्राऊन जाल. नेहमी वेगवेगळ्या सुंदर अशा साडीत वावरताना दिसतात. मात्र, या कॉलेजमध्ये काहीतरी वेगळेच बघायला मिळाले. येथील एका ग्रुपमधील तीन मुलांनी चक्क साडी परिधान केली होती, तर एका मुलीने ब्लेझर व टाय घातला होता. त्यांच्या या मिसमॅचमुळे सगळेजण त्यांच्याकडे बघतच राहिले. 

अनुष्कासोबतच्या सुट्या संपवून परतताच विराटला मिळाली गुड न्यूज

आकाश पवार, सुमित होनवडकर आणि ऋषीकेश सानप असे या तिघांचे नाव आहे. केवळ मुलींनीच साडी का परिधान करावी, असा सवाल त्यांनी केलाय. यामागची पार्श्वभूमीही त्यांनी यावेळी सांगितली. ते म्हणाले की, काही दिवसांपूर्वीच कॉलेजमधील एका तरूणाने स्त्री-पुरूष समानता मानता तर मग साडी नेसून दाखवा असे चॅलेंज दिलं होते. हेच चॅलेंज स्विकारत त्यांनी साडी डेला साडी नेसून सर्वांचे लक्ष वेधून घेतले.