वा रे कारभार, प्रवाह एकीकड अन् पूल भलतीकड

पारगाव (पुणे) : आंबेगाव तालुक्यातील अवसरी बुद्रुक येथील शिंदेमळा ओढ्यावरील साकव पुलाचा भराव वाहून गेल्याने शिंदेमळा परिसरातील रहिवाशांचे दळणवळण ठप्प झाले आहे.

आता लग्नाची सीडीही पोलिस ठाण्यात द्यावी लागणार

ओढ्याचा प्रवाह एका बाजूला साकव भलतीकडेच, या चुकीमुळे मागील चार वर्षात चार वेळा हा साकवपूल वाहुन गेला, तरी प्रशासनाला अद्याप जाग आली नाही. वारंवार चुकीच्या ठिकाणी दुरुस्तीसाठी लाखो रुपये खर्च का केले जात आहे आणि हा साकव पूल नक्की नागरिकांच्या सोईसाठी की ठेकेदारांच्या भल्यासाठी बांधला गेला आहे, असा प्रश्न उपस्थीत होत आहे.

पुण्याच्या इतर बातम्या वाचण्यासाठी येथे क्लिक करा

अवसरी बुद्रुक येथील शिंदे मळ्या जवळून वाहणाऱ्या ओढ्यावर जिल्हा परिषदेमार्फत सन 2017 मध्ये साकव पूल बांधण्यात आला होता. पूल निर्माण झाल्यावर पहिल्याच पावसाने पुलाचा पुढील भाग पाण्याच्या प्रवाहाने वाहून गेला व रहिवाशांच्या घरात पाणी घुसले होते. ग्रामपंचायतच्या वतीने त्याठिकाणी सिमेंटचे पाईप टाकून रहिवाशांना रस्ता निर्माण केला होता, मात्र गेली चार वर्ष ओढ्याला पूर आल्यावर रस्ता वाहून जात आहे. हा साकव पूल बनवताना प्रशासनाने पाण्याच्या प्रवाहाची दिशा लक्षात न घेता प्रवाह एका बाजूला आणी भलत्याच ठिकाणी पूल बांधल्यामुळे मागील चार वर्षापासून या परिसरातील रहिवाशांना पावसाळ्यात येण्याजाण्याचे हाल होत आहे. विशेषत: शेतीमाल व दूध यांची वाहतूक करताना रहिवाशांना अडचण येत आहे. 

शिपायापासून अभियंत्यांपर्यंत सर्वांना मिळणार नोकरी

ग्रामपंचायत दरवर्षी रहिवाशांना त्रास होऊ नये म्हणून त्याठिकाणी टाकलेल्या पाईपवर मुरूम, भराव टाकून रस्ता वाहतुकीसाठी उपलब्ध करून देत असते, मात्र या चुकीच्या पुलामुळे या ठिकाणी मोठ्या प्रमाणावर पाणी साचून घरात घुसण्याचा धोका निर्माण झाला आहे. प्रशासनाने तत्काळ याची दखल घेऊन कायमस्वरूपी रस्त्याचा बंदोबस्त करावा, अशी मागणी किशोर शिंदे, निखिल शिंदे यांनी केली आहे. अवसरी बुद्रुकचे ग्राम विकास अधिकारी दीपक शिरसाट यांनी सदर घटनेची माहिती घेऊन वरिष्ठांना कळवले आहे.

पुण्यात कोरोना रुग्णांचा आकडा दोन लाख होणार क्राॅस

या ठिकाणी बांधण्यात आलेला पूल हा ओढ्याचा प्रवाह एका बाजुला, तर पाणी जाण्यासाठी पाईप दुसरीकडेच टाकले आहेत. त्यामुळे सप्टेंबर 2017 मध्ये 9 सप्टेंबर व 16 सप्टेंबर रोजी लागोपाठ दोनदा, नोव्हेंबर 2019 मध्ये एकदा आणि आता पुन्हा चौथ्यांदा, असाच पूर आल्याने पुलाचा भराव वाहून गेला आहे. पुलाचा भराव वाहून गेल्याने पाईप उघडे पडले आहे. त्यामुळे या पुलाच्या कामाची चौकशी करून संबधीत ठेकेदारावर कारवाई करावी, अशी मागणी ग्रामस्थ करत आहे.