पुणे : फ्लॅटधारकाला झालेल्या त्रासाबद्दल बिल्डरला मोजावे लागणार १ लाख रुपये

पुणे : करारनाम्यानुसार वेळेत सदनिका न दिल्याने भरलेली रक्कम पुन्हा मिळण्यासाठी आणि सदनिकेच्या व्यवहारामुळे फ्लॅट धारकाला झालेल्या मानसिक तसेच शारीरिक त्रासाबद्दल बिल्डरला एक लाख रुपये मोजावे लागणार आहेत. तसेच ग्राहकाने दिलेली रक्कम 12 टक्के व्याजाने परत द्यावी लागणार आहे.

जिल्हा ग्राहक तक्रार निवारण आयोगाचे अध्यक्ष उमेश जावळीकर, सदस्या क्षितिजा कुलकर्णी आणि संगीता देशमुख यांनी हा निकाल दिला. बुकिंग व त्यानंतर दिलेले सहा लाख 82 हजार 285 रुपये जुलै 2019 पासून 12 टक्के व्याजाने बिल्डरने ग्राहकाला परत द्यावे, असे आदेशात नमूद आहे. सतीश अप्पा पाटील (रा. शिवणे) यांनी 'एक्‍सल होम्स' यांच्याविरोधात तक्रार केली होती.

- सुंदर तरुणीची फ्रेंड रिक्वेस्ट, चॅटिंग सुरू, व्हिडिओ कॉल आणि तरुण अलगद ‘हनी ट्रॅप’मध्ये फसतो

पाटील यांनी बिल्डरच्या नऱ्हे आंबेगाव येथील 'शुभंकर' या प्रकल्पात ऑक्‍टोबर 2016 रोजी सदनिका बुक केली होती. करारनाम्याप्रमाणे दोन वर्षात तिचा ताबा देण्याचे ठरले होते. फ्लॅटची किंमत सात लाख 65 हजार निश्‍चित करण्यात आली होती. त्यातील सहा लाख 82 हजार 285 रुपये तक्रारदारांनी बांधकाम व्यावसायिकाला दिले होते. मात्र वेळेत बांधकाम न झाल्याने तक्रारदार यांनी भरलेले पैसे परत मिळण्यासाठी ग्राहक आयोगात तक्रार दाखल केली होती. बिल्डरला एकूण नऊ लाख 6 हजार 923 रुपये ग्राहकाला द्यावे लागणार आहे.

- IAS अधिकाऱ्यानं सुचवला रामबाण उपाय, 'शेतकऱ्यांचं आंदोलन थांबवायचंय तर...'

कर्जाच्या व्याजापोटी सव्वा लाख रुपये द्या :
बुकिंग व फ्लॅटची एकूण रक्कम भरण्यासाठी तक्रारदारांनी यांनी कर्ज काढले होते. मात्र वेळेत ताबा न मिळाल्याने कर्जाचे व्याज वाढतच चालले होते. त्यामुळे व्याजापोटी भरलेले पैसे मिळावे म्हणून तक्रारदारांनी अर्ज केला होता. त्यामुळे तक्रारदार यांना कर्जावरील व्याज व हप्ता यापोटी एक लाख 24 हजार 665 रुपये द्यावे, असा आदेश बिल्डरला दिला आहे.

- पुण्याच्या बातम्या वाचण्यासाठी येथे ► क्लिक करा

(Edited by: Ashish N. Kadam)