जळीतग्रस्तांच्या स्वप्नांना मिळाला माणुसकीचा फुलोरा....

shop.jpg
shop.jpg

कोथरुड (पुणे) : दोन आठवड्यांपूर्वी लागलेल्या आगीत चार टप-यांचे नुकसान झाले होते. यामध्ये फुलाचे दुकान व पिशवी दुरुस्तीची टपरी जळून खाक झाली होती. लॉकडाउनमुळे आधीच हताश झालेल्या छोट्या व्यावसायिकांना हा फार मोठा धक्का होता. परंतु, भराभर मदतीचे हात पुढे आले. हेल्प रायडर्स ग्रुपचे प्रवर्तक प्रशांत कनोजिया यांनी समाज माध्यमावर केलेल्या आवाहनाला प्रतिसाद देत असंख्य लोकांनी आपापल्या क्षमतेनुसार मदत जमा केली. यातून त्रेसष्ठ हजार रुपये जमा झाले.

यातून दोन टप-या या व्यावसायिकांना देण्यात आल्या. त्यापूर्वी नगरसेविका अल्पना वरपे यांनी जुन्या पिशव्यांची दुरुस्ती करणा-या दोन टपरीचालकांना शिलाई मशिन दिल्या होत्या. प्रविण बुरटे यांच्या गॅस दुरुस्तीच्या टपरी मधील सिलेंडर पेटल्याने पहाटे तीनच्या सुमारास आग लागून चार टप-यांचे नुकसान झाले होते. आत्माराम घारे यांचे फुलाचे दुकान व वसुंधरा शिंदे यांची पिशवी दुरुस्तीची टपरी जळून खाक झाली. या दोघांना नवी टपरी मिळाल्याने या कुटुंबाला फार मोठा आधार मिळाला आहे.


प्रशांत कनोजिया म्हणाले की, कोरोना महामारीमुळे सर्वसामान्य जनतेपुढे मोठे आव्हान उभे राहीले आहे. विमा वा भरपाईचा दुसरा मार्ग नसल्याने ही कुटुंबे मनाने खचली होती. दुर्घटनाग्रस्त कुटुंबांना मदत करणे हे कर्तव्य होते. आम्ही केलेल्या आवाहनाला लोकांनी भरभरुन प्रतिसाद दिला. ही कुटुंबे परत उभी राहिली याचे समाधान वाटत आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com