CS Exam : सीएसची परीक्षा ३० जुलै रोजी

CS Exam - सीएस एक्झिक्युटिव्ह एंट्रन्स टेस्ट आता ३० जुलै रोजी होणार आहे. इन्स्टिट्यूट ऑफ कंपनी सेक्रेटरीज ऑफ इंडिया यांच्याकडून नवीन परीक्षेची नवीन तारीख जाहीर करण्याक आली आहे. परीक्षा पूर्वी ठरल्याप्रमाणे येत्या ८ जुलै रोजी होणार होती. पण आता या परीक्षेच्या वेळापत्रकात बदल करण्यात आला आहे.

परीक्षेचे सुधारित वेळापत्रक संस्थेच्या संकेतस्थळावर उपलब्ध असून, यापूर्वी अर्ज करू न शकलेल्या उमेदवारांनाही अर्ज करण्याची संधी देण्यात आली आहे, असे उमेदवार आता सोमवार (ता.१०) पर्यंत अर्ज करू शकतात.

इन्स्टिट्यूट ऑफ कंपनी सेक्रेटरीज ऑफ इंडियाने त्यांच्या अधिसूचनेत म्हटले आहे की , ‘‘शनिवारी (ता.८) होणारी परीक्षा काही अपरिहार्य कारणामुळे ही पुढे ढकलण्यात आली आहे. रिमोट प्रोक्टोरिंग अंतर्गत ही चाचणी ऑनलाइन पद्धतीने घेतली जाईल. सर्व पात्र उमेदवारांना परीक्षेच्या तीन दिवस आधी लॉग-इन क्रेडेन्शियल पाठवले जातील.’’