Goa Accident News : गोवा बॉर्डर वर कार कंटेनरची धडक, एकाचा मृत्य, ९ जखमी

वाघोली : गोवा मधील परणेम येथील पत्रादेवी गोवा पोलीस चेक पोस्ट समोर कार कंटेनरला धडकल्याने एक जण मृत्यूमुखी पडले तर नऊ जण जखमी झाले. हे सर्व जण वाघोली परिसरातील असल्याचे समजते. ही घटना बुधवारी रात्री नऊ वाजण्याच्या सुमारास घडली. 

जखमीवर गोवा येथील रुग्णालयात उपचार सुरू आहेत. जखमी मध्ये पाच बालकांचा समावेश आहे. कांतीलाल विठ्ठल शिंदे ( वय ४७, रा वाडेबोल्हाई ) असे मृत्यू मुखी पडलेल्या व्यक्तीचे नाव आहे. तर या अपघातात वाघोली येथील श्रीराम तुकाराम बनकर ( वय ३२, रा, वाघोली ) हा चालक जखमी झाला  आहे. प्रवीण बळीराम दशदे ( वय 11 ),

बळीराम दिगंबर दशदे, मनीषा बळीराम दशदे ( वय 30 ), प्रतिभा बळीराम दशदे (वय ११ ), प्रिया बळीराम दशदे ( वय १२ ), ओमकेश्वर चंदकांत डोईवड ( वय २१ ), विनायक राम बनकर (वय ६ ), पपिता राम बनकर (वय 30 ), प्रजिली राम बनकर ( वय १० ) हे प्रवासी जखमी झाले आहेत. त्यांच्यावर गोवा येथील रुग्णालयात उपचार सुरू आहेत.

ते वाघोली परिसरातील असल्याचे कळते. गोवा पोलीसांनी दिलेल्या माहितीनुसार, मारुती इको कार मध्ये हे १० जण होते. कारने प्रथम दोन दुचाकीलाही धडक दिली. नंतर कंटेनरला जाऊन धडकली. या अपघातात शिंदे यांचा मृत्यु झाला. इतर नऊ जण गंभीर जखमी झाले . जखमी दोन कुटुंबातील आहेत. कार शिंदे यांच्या मालकीची आहे. गोवा पोलीसांनी चालक बनकर याच्यावर गुन्हा दाखल केला आहे. शिंदे यांचे नातेवाईक गोवा येथे पोहचले आहे.