पिंपरीत पतीनेच दिली अॅसिड फेकून पत्नीला जिवे मारण्याची धमकी 

पिंपरी :  अॅसिड फेकून जिवे मारण्याची धमकी देत पत्नीचा छळ करुन फोटो एडिट करून बनविलेला व्हिडीओ सोशल मिडियावर व्हायरल करण्याची विवाहितेला धमकी दिल्याप्रकरणी पतीसह चौघांवर गुन्हा दाखल झाला आहे. 

अजित पवारांच्या रडारवर असणार आता 'हे'?  

याप्रकरणी 34 वर्षीय विवाहितेने फिर्याद दिली आहे. त्यानुसार पती अमित पारसमल जैन (वय 37), सासू मनोरमा पारसमल जैन, (वय 62), सासरा पारसमल जैन (वय 66, सर्व रा. राजवाड, इंदोर, मध्यप्रदेश) व पतीचा मित्र जयंत अग्रवाल (वय 37, रा. इंदोर) यांच्यावर गुन्हा दाखल झाला आहे.
ताज्या बातम्यांसाठी डाऊनलोड करा ई-सकाळचे ऍप

पगाराचे पैसे देण्याच्या कारणावरून आरोपींनी फिर्यादीला मानसिक व शारिरीक त्रास दिला. पतीने मारहाण करण्यासह अॅसिड फेकून जिवे मारण्याची धमकी दिली. तसेच, पती व त्याचा मित्र जयंत यांनी फिर्यादीच्या घराचे कुलूप उघडून पाच लाख रूपये किंमतीचा ऐवज चोरून नेला. यासह आरोपी पतीने आपल्याकडे असलेले फोटो एडिट करून त्याचा व्हिडिओ बनवून सोशल मिडियावर व्हायरल करण्याची धमकी दिली. याप्रकरणी वाकड पोलिस ठाण्यात गुन्हा दाखल आहे.

जामीया इस्लामिया विद्यापीठाबाहेर जाळपोळ, बस पेटवल्या; 'कॅब' विरोधाला हिंसक वळण