धुळवडीनिमित्त मटण खरेदीसाठी रांगा

चाकण, ता. ३ : चाकण व औद्योगिक वसाहत परिसरात धुळवडीमुळे सकाळपासूनच चिकन, मटण दुकानांपुढे ग्राहकांच्या लांबच लांब रांगा लागल्या होत्या. अनेकांनी कुटुंबीय व मित्रमंडळींसाठी विशेष जेवणाचे आयोजन केले होते.परिणामी चिकन व मटणाच्या दरातही काही प्रमाणात वाढ झाल्याचे विक्रेत्यांनी सांगितले.
चाकण परिसरातील धुळवडीच्या सणामुळे हॉटेल, ढाबे खवय्यांनी फुल्ल झाले होते. मटन, चिकन त्याचबरोबर मद्याला मोठी मागणी होती.
चिकन मटण चे भाव वाढलेले असताना मागणी ही मोठ्या प्रमाणात होती. चाकण व परिसरातील गावात औद्योगिक वसाहत परिसरात चिकन व मटणाची हजारो किलोची मागणी राहिली.
चिकन, मटणाचे प्रति किलोचे बाजारभाव (रुपयांत) पुढीलप्रमाणे : चिकन -३४०, मटण -बोकड -९००, बकरू -८४०.