पुणे : सोसायटीच्या आतमध्ये सिगारेट ओढण्यास आल्याच्या कारणावरुन झालेल्या भांडणाच्या रागातून दोघांवर गॅस शेगडी साफ करण्यासाठीचे अॅसिड सदृश्य रसायन फेकण्याची घटना उघडकीस आली आहे. रसायन चेहऱ्यावर पडल्याने दोघांचे चेहरे, छाती व ओठांवर दुखापत झाली. ही घटना बुधवारी पहाटे सव्वा दोन वाजता बाणेर फाटा येथे घडली.
पुणेकरांनो काळजी घ्या; पुण्यात आणखी पाच दिवस पाऊस
याप्रकरणी बाणेर फाटा येथे राहणाऱ्या 29 वर्षीय तरुणाने चतुःश्रृंगी पोलिस ठाण्यात फिर्याद दिली आहे. फिर्यादी व आरोपी जवळपास राहण्यास आहेत. त्यामुळे त्यांची एकमेकांशी ओळख आहे. बुधवारी पहाटे फिर्यादी हे आरोपी राहात असलेल्या सोसायटीच्या आवारामध्ये सिगारेट ओढत होते. त्यावरुन आरोपीने फिर्यादीस शिवीगाळ करुन झटापट केली. त्यावेळी फिर्यादीचे मित्र त्यांच्यातील भांडणे सोडविण्यासाठी तेथे आले. त्यावेळी आरोपीने दोघांनाही शिवीगाळ केली.
मनसेच्या इंजिनला चावी मिळणार; पुण्यात असणार 'हे' उमेदवार
याप्रकाराबाबत फिर्यादीने पोलिसांना खबर दिली, तेवढ्यात पोलिस तेथे आल्याने आरोपी तेथून निघून गेला. आरोपी हा गॅस एजन्सीमध्ये कामाला असल्याने त्याच्याकडे गॅस स्वच्छ करण्यासाठी वापरले जाणारे अॅसिडसदृश्य रसायने होते. त्याने थोड्या वेळाने घटनास्थळी येऊन दोघांवर ते रसायन फेकले. रसायन दोघांच्या चेहऱ्यावर, छातीवर व ओठांवर पडल्याने दोघांनाही दुखापत झाली.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.