ऑटिझम मुले झाले आणखी ऍक्टिव्ह; लॉकडाउनचा पॉझिटिव्ह परिणाम

पुणे : लॉकडाउनमुळे आर्थिक फटका बसत असला तरी कौटुंबिक प्रेम आणि जिव्हाळा मात्र वाढत आहे. लॉकडाऊनचा एक सकारात्मक परिणाम स्वमग्न मुले आणि त्यांचे कुटुंबीय अनुभवत आहेत. 

बातम्या ऐकण्यासाठी डाऊनलोड करा ई-सकाळचे ऍप
आपल्या विश्वात रामणाऱ्या या मुलांमध्ये सद्यस्थितीचा परिणाम कसा झाला आहे, या बद्दल पालकांनी आपले अनुभव सांगितले. या मुलांचा आपल्या परिवरासोबतचा संवाद वाढला आहे. मोबाईल व लॅपटॉपसारख्या उपकरणांचा वापर करायला शिकणे, घरातील छोट्या कामांमध्ये मदत करणे, अश्या अनेक छोट्या मोठ्या सकारात्मक बदलाबाबत या मुलांचे पालक आनंद व्यक्त करत आहेत.

#Lockdown2.0 : निम्मे पिंपरी-चिंचवड सीलबंद
“आम्ही दोघेही कामाच्या निमित्ताने बाहेर असतो. त्यामुळे आम्हाला अनुजला पुरेसा वेळ देता येत नाही. मात्र लॉकडाउनमुळे आम्ही त्याला पूर्ण वेळ देतोय. त्यामुळे त्यात चांगले बदल होत असल्याचे सांगत असताना अनुजची आई नीता यांच्या चेहऱ्यावरील आनंद स्पष्ट दिसत होता. अनुज आमच्यासोबत आता रोज व्यायाम सुद्धा करतोय. तो आठ वर्षांचा आहे. लॉकडाउनमुळे त्याला बाहेर घेऊन जाणे शक्य नाही. त्यात ऑटिझम केंद्र आणि शाळा पण बंद असल्याने सगळ्या थेरपी बंद आहेत. दरम्यान घरात राहून त्याची चिडचिड वाढू नये यासाठी आम्ही आमच्या गच्चीवर रोज व्यवयाम करतो. तो देखील आवडीने यात सहभाग घेतो आणि व्यायाम करतो," असे नीता यांनी सांगितले.

#Lockdown2.0 : निम्मे पिंपरी-चिंचवड सीलबंद
श्रेया या 14 वर्षाच्या मुलीची आई सुष्मा म्हणाल्या, "घरात तिला कोंडल्यासारख होतय. यामुळे ती चिडचिड सुद्धा करते. पण सध्या आम्ही सगळेच तिच्याबरोबर वेळ घालवत आहोत व तिच्याशी भरपूर गप्पा मारत आहोत. यामुळे आमच्यातील संवाद आणखीन वाढले आहेत. ती मला भांडे धुण्यासाठी, तसेच घरातील इतर कामांमध्ये मदत करते. तिला स्वमग्नता आणि मानसिक आजार असल्याने तिची जास्त काळजी घ्यावी लागते. सध्या ती मोबाईलवर देवाची गाणे ऐकते व तिच्या आजीसोबत श्लोक, मंत्र आणि आरती म्हणते."

पुणे जिल्हा मध्यवर्ती सहकारी बँक कान्हे शाखेच्यावतीने पीक कर्ज वाटपास सुरुवात
स्वमग्नता असलेल्या मुलांना गरज असते ती समजून घेण्याची. जगभरात 68 मुलांमागे एक स्वमग्न असे याचे प्रमाण आहे. तसेच नोकरदार पालकांना अपल्यामुलांना इतका वेळ देने अशक्य असते. त्यामुळे बहुतांश पालक आपल्या स्वमग्न असलेल्या मुलाला किंवा मुलीला ऑटिझम सेन्टरला पाठवत असतात. अशा केंद्रांमध्ये मुलांना योग्य ते थेरपी दिली जाते, त्यांच्या जेवणाची व खाण्यापिण्याची वेळ पाळली जाते. सध्या लॉकडाउनच्या परिस्थितीमुळे ही मुले केंद्रात येऊ शकत नाहीत. तसेच त्यांना त्यांच्या ठरलेल्या वेळेतच जेवण किंवा त्या गोष्टी करायला मिळत नसल्याने चिडचिड वाढते. परंतु सध्या या मुलांच्या पालकांनी घरीच आपल्या मुलांसोबत चांगले प्रयोग करण्यास सुरुवात केली असून त्याचे परिणाम पण दिसून येत आहेत. ही मुलं चिडचिड करतात पण त्याचबरोबर त्यांनी सामान्य मुलांसारखं घरातील कामांमध्ये मदत करण्यास सुरुवात केली आहे. इतकंच नाही तर त्यांच्यात संवादाचे प्रमाण पण वाढल्याचे पालक आम्हाला कळवत आहेत, असे प्रसन्न ऑटिझम केंद्राच्या कार्यकारी अध्यक्षा साधना गोडबोले यांनी सांगितले.

"माझा मुलगा निनाद चार वर्षांचा आहे व त्याला आम्ही सांगितलेल्या गोष्टी समजत आहेत. तो आमच्या सगळ्या गोष्टी ऐकतोय. सध्या तो टीव्ही जास्त बघतो त्यामुळे कधी कधी चिडचिड करतो. आमच्या घरात पाच लोक आहेत व या काळात आम्ही त्याच्या सोबत पूर्ण वेळ घालवत आहोत आणि त्याला नवीन गोष्टी शिकवत आहोत."
- निनादची आई

"लॉकडाउन संपल्यानंतर सगळेच आपापल्या कामात व्यस्त होतील. तर या मुलांना पुन्हा वेळ देने पालकानासाठी आव्हानात्मक ठरेल. त्यामुळे मुलांमधील झालेला हा बदल लॉकडाउन नंतर सुद्धा कायम राहील का यावर आणखीन लक्ष केंद्रित करायला पाहिजे."
- सुभाष केसकर, संचालक- प्रसन्न ऑटिझम सेन्टर

(नाव बदलण्यात आली आहेत)