China Nepal Border: मृत्यूचे तांडव डोळ्यांसमोर पाहतोय! प्रत्यक्षदर्शीचा अनुभव; चीन-नेपाळ सीमेवर अडकले राज्यातील ४०० भाविक

पुणे: डोळ्यांत कैलासपतीच्या दर्शनाची ओढ आणि मनात अपार श्रद्धा घेऊन निघालेली पावले... पण, निसर्गाच्या एका रौद्ररूपाने या श्रद्धेच्या प्रवासाला मृत्यूच्या भयावह छायेत ढकलले आहे. ‘‘आम्ही मोठ्या श्रद्धेने निघालो होतो; पण मुसळधार पावसाच्या रौद्ररूपाने परतीचे सारे मार्गच बंद केले आहेत. देवदर्शनाला आलो होतो, पण आता मृत्यूचा थरार उघड्या डोळ्यांनी पाहतोय...’’ हे थरकाप उडवणारे शब्द आहेत, चीन-नेपाळ सीमेवर अडकलेल्या महाराष्ट्रातील भाविकांचे ! आता मायदेशी सुरक्षित कसे परतायचे, हा एकच प्रश्न त्यांच्यासमोर आहे.