पिंपरी : ऐन उकडा अन् त्यात आता...

पिंपरी : लॉकडाउनमध्ये गेल्या पंधरा दिवसापासून पिंपरीगावाचा विद्युत पुरवठा वारंवार खंडित होत आहे. ऐन उन्हाळ्यात सकाळी, दुपारी आणि कधी कधी रात्रीची वीज गायब होत असल्याने नागरीक हैराण झाले आहेत.

आणखी वाचा - पुण्यात परप्रांतीय मजुरांकडे दुर्लक्ष का?

सध्या मोठ्या प्रमाणात उकाडा जाणवत आहे. रात्रीच्यावेळी वीज गेल्यावर डासांचा त्रास सुरु होतो. त्याचा नागरीकांच्या झोपेवर अप्रत्यक्षपणे परिणाम होत आहे. पिंपरीगावात मोठ्या प्रमाणात बैठे घर, चाळी आहेत. लॉकडाउन असल्यामुळे त्यांना धड बाहेरही पडता येत नाही. त्यांना अंगणातही झोपतादेखील येत नाही. एकदा वीज गेल्यावर तासन्‌तास पुर्ववत होत नाही. त्यात कहर म्हणजे, नागरीकांनी तक्रार केल्यावर त्याची दखल घेतली जात नाही. ग्राहकांचे फोन उचलले जात नसल्याने लोकांच्या त्रासात अधिक भर पडत आहे.

पुण्याच्या बातम्या वाचण्यासाठी येथे क्लिक करा

पिंपरीगावातील महावितरणच्या कार्यालयात सध्या एकही अधिकारी किंवा कर्मचारी येत नाहीत. त्यामुळे नागरीकांच्या तक्रारीकडे टेक्‍निशियन दुर्लक्ष करत धुडकावून लावत असल्याची तक्रार स्थानिक नागरीक श्रीरंग शिंदे यांनी केली आहे. ते म्हणाले, "" गेल्या 15 दिवसांपासून वारंवार विद्युत पुरवठा खंडित होत असल्याची माहिती कार्यकारी अभियंता शिवाजी वायफळकर, उपकार्यकारी अभियंता भुजंग बाबर यांना फोनद्वारे सातत्याने तक्रार केली आहे, पण त्यांनी गांभिर्याने घेतले नाही. ग्राहकांच्या तक्रार सोडविण्यात येत नसल्याने नागरीक वैतागले आहेत.

आणखी वाचा - पुण्यात कोथरूड संदर्भात महापौर मोहोळ यांचा मोठा खुलासा