Pune Cold : महापालिकेचा गोंधळ! स्वेटरविना विद्यार्थ्यांना हुडहुडी

- अभिजित कुचेकरपुणे-उंड्री - महापालिकेच्या डीबीटी योजनेतील गोंधळामुळे ऐन हिवाळ्यात विद्यार्थ्यांना स्वेटरविनाच शाळेत जावे लागत आहे. सुमारे ४ हजार विद्यार्थी या योजनेपासून वंचित राहिल्याने पालकांनी तीव्र संताप व्यक्त केला आहे. महापालिकेकडून वेळेत पैसे मिळाले नसल्याने त्याचा परिणाम विद्यार्थ्यांच्या शिक्षणावर होऊ लागला आहे..विद्यार्थ्यांच्या शालेय साहित्यामधील गैरव्यवहार रोखण्यासाठी महापालिकेने आठ वर्षांपूर्वी डीबीटी योजना अमलात आणली होती. त्याअंतर्गत विद्यार्थ्यांना दोन गणवेश, बूट, मोजे, दप्तर, वह्या, पुस्तके, पेन्सिल, रेनकोट आणि स्वेटर खरेदीसाठी लागणारी रक्कम पालकांच्या बँकखात्यात जमा केली जाते. यासाठी सर्व शिक्षकांकडून धडपडत आवश्यक माहिती जमा करून डीबीटी योजनेला सहकार्य केले जात आहे..शाळा सुरू झाल्यावर काही दिवसांतच या योजनेचे पैसे थेट पालकांच्या बँक खात्यात जमा होण्यास सुरुवात होते. मात्र काही पालकांना तांत्रिक त्रुटींना सामोरे जावे लागल्याने त्यांच्या बँकखात्यात पैसे उशिरा जमा होत असल्याचे निदर्शनास येत आहे, तर काही पालकांना अद्याप पैसेच मिळालेले नाहीत.काही पालकांना पैसे मिळाले, त्या वेळेस दुकानांमध्ये रेनकोट उपलब्ध झाले नाहीत, तर कधी स्वेटर उपलब्ध नव्हते. त्यामुळे अनेक विद्यार्थी स्वेटरविनाच शाळेत येताना दिसत आहेत..पूर्वी महापालिकेकडून वेळेत शालेय साहित्य वाटपाचे नियोजन करण्यात येत होते. सध्या महापालिकेच्या अनेक विद्यार्थ्यांकडे बूट, मोजे, स्वेटर नाही, तर अनेकांकडे एकच गणवेश अशी परिस्थिती दिसत आहे. त्यामुळे महापालिकेने योग्य उपाययोजना करणे आवश्यक आहे, अशी मागणी होत आहे..खात्यात पैसे जमा न होण्याची कारणेबँकांकडून काही कारणास्तव ब्लॉक केलेली खातीडीबीटी पोर्टलवर बँक खाते नंबर, आयएफएससी कोड, खातेदाराच्या नावाची चुकीची माहितीखाती अनेक दिवसांपासून बंद असणेखात्याची केवायसी नसणे.विद्यार्थ्यांच्या सोयीसाठी आम्ही पैसे थेट खात्यात जमा करत आहोत. ज्या विद्यार्थ्यांचे पैसे जमा होत नाहीत, त्यांच्या पालकांकडून पुन्हा बँक खात्याचे तपशील घेऊन पैसे जमा करत आहोत. पालकांनी मिळालेले पैसे मुलांच्या शालेय वस्तू खरेदी करण्यासाठीच खर्च करावेत, यासाठी आम्ही पालकांमध्ये प्रबोधन करत आहोत.- वसुंधरा बारवे, उपायुक्त, शिक्षण विभाग, महापालिका.पूर्वी मुलांना वेळेत साहित्य मिळत होते. महापालिकेच्या शाळेत शिक्षण घेणाऱ्या मुलांच्या घरची परिस्थिती पाहता पालकांकडून अन्य कारणासाठी पैसे खर्च होणे चुकीचे नाही. महापालिकेने या योजनेपासून वंचित असलेल्या विद्यार्थ्यांचे शैक्षणिक नुकसान होऊ देऊ नये. यावर योग्य निर्णय घेऊन मुलांना साहित्य वेळेत मिळेल, अशी उपाययोजना करणे गरजेचे आहे.- निकिता खडसरे, स्थानिक महिला, हांडेवाडी.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Pune Cold : महापालिकेचा गोंधळ! स्वेटरविना विद्यार्थ्यांना हुडहुडी

Related Stories

विद्यार्थ्यांना दर्जेदार शिक्षण

तळेगाव नगर परिषदेकडून मोफत कनिष्ठ महाविद्यालयाची घोषणा

लाचखोरीनंतर महापालिकेला जाग